ها ميمتي اش هاد لفضيحة. كيفاش منتحل صفحة سيدنا للي ولى صاحب هشام العلوي ولى كيتلاقى الوزارا ويربحهم. العلمي عندو "كفء". كود جابت قصة هاد التصويرة

اش هاد لفضيحة عاود ثاني. سفيان البحري اللي كان منتحل صفحة سيدنا ومن بعد ولى صديق هشام العلوي ولد عم الملك٬ نشر اليوم صورة ليه مع وزير الصناعة والتجارة والاقتصاد الأخضر والرقمي، مولاي حفيظ العلمي.
تعليق فالصورة اللي نشرها فصفحتو فانستگرام فيه حقارة كبيرة. اييه كيربح الوزرا وكيدير معاهم جلسة عمل. كتب "لقاء عمل مع مولاي حفيظ العلمي، نفتخر بوزير كفء وناجح مثلكم في مملكتنا المغربية".
اييه وليتي كتربح وزراء المغرب وكتلاقاهم. شكون انت. صديق هشام العلوي كيربح وزراء حكومة سيدنا. جديدة هادي.
قصة هاد الصورة كيف عرفات كود عندها شي شهر. اي دارت هادي شهر تقريبا ماشي اليوم تضيف مصادر "كود". كان شي لقاء فالوزارة فيه الوزير العلمي و3 الشباب كيخدمو فالتجارة الالكترونية. عندهم مشروع ولكن هو ما عرفناهش علاش حضر واش سمسار ولا مدخلينو فالمشروع. المهم هو بقى ساكت حقاش امي ما عندو ما يقول.
هادو جاو قدمو مشروع وبغاو يشوفو كيفاش يقدرو يستافدو من الدعم اللي كديرو الوزراة مع هاد النوع من المشاريع.
دابا هادي سابقة باش يولي منتحل صفة كيتلاقى مع الوزارا ويربحهم