وفينك يا السلطة؟.. الاستقلالي عزيز آبا "سپيسيال" وولدو كيتيريو القرطاس وسط الناس فبوجدور فتحدي لكلشي – فيديو

بعد إعلان انتخابه بشكل رسمي على رأس جماعة بوجدور، قام احد ابناء عبد العزيز آبا المنتخب للمرة السادسة تواليا كرئيس لذات الجماعة، (قام) بضرب البارود فالسما. كيتبورد ولكن على رجلو. من بعد عمر المكحلة وعطاها لباه المعروف باسبيسيال ودار تصرف سبيسيال وفرغ حتى هو المكحلة فالسما ووسط الناس.
ما نهدروش واش عندو رخصة حمل السلاح ولا للا. ولكن واخا تكون عندو راه ممنوع هاد التصرفات اللي دار قدام المخزن بكل انواعو وحتى حد ما دخل
https://fb.watch/84LNOdBm2b/
دابا هادا راه ماشي احتفال. كيبان فيه تحدي وتهديد. تهديد لهادوك اللي كانو دايرين بيه. اللي شاف الفيديو غادي يحس بالخوف من هاد التصرف الخطير.
دابا راه لا العمالة ولا الولاية ولا باقي اجهزة الدولة قدرات تقلق سبيسيال وعائلتو. ولاو ملوك بوجدور وبتواطؤ مع كلشي