قانون المالية. مجلس حكومي يسبق الوزاري

غدا فالصباح كاين مجلس حكومي. هو الثاني لحكومة عزيز اخنوش منذ تعيينها قبل عشرة ايام. اللول كان اول السيمانا وبالضبط نهار الاثنين وكان عن بعد. هادا غادي يكون الثاني.
هاد المجلس غا ينعاقد باش يتم المصادقة علي قانون المالية اللي كان وجد قبل تشكيل الحكومة الجديدة. دابا نشوفو التعديلات اللي دارت ليه.
مجلس حكومي غادي يجي ساعات قبل اول مجلس وزاري يرأسو محمد السادس ومن المتوقع يدار فالقصر الملكي بفاس وغادي يكون حضوري. حتى هو غادي يكون موضوعو الرئيسي هو المصادقة على قانون المالية. طبعا ممكن يكونو تعيينات لشي كتاب دولة بالاضافة الى تعيينات تهم مناصب استراتيجية وشي سفراء وشي ولاة وعمال
فعلاقة بقانون المالية٬ بعد مصادقة المجلس الوزاري عليه٬ غادي يتعرض الاثنين من قبل وزيرة المالية والاقتصاد نادية فتاح امام مجلس النواب ثم مجلس المستشارين