المغاربة ضد الفايك نيوز وتايقين فالدولة. رجعو يتلقحو وكل نهار كيتزادو الآلاف.. ومصدر ف اللجنة العلمية ل"گود": بهاد التلقيح غانبعدو على الحجر الصحي

ارتفعت وتيرة التلقيح بالمغرب، في اليومين الماضيين، حيث انتقل عدد من الملقحين من 500 مستفيد يوم الأحد إلى 30 الف يوم الثلاثاء 30 نونبر ثم 40 الف مستفيد يوم الأربعاء 1 دجنبر.
وحسب مصدر ف اللجنة العلمية ل"گود" فإن "ناس كتمشي دبا تلقح خصوصا مع هاد الموجة ديال اوميكرون وخص فهاد الشهر 4 مليون تلقح"، مضيفا "المغرب عندو لوجستيك يلقح 500 الف شخث ف نهار واحد".
وأكد ذات المصدر بأنه "كاينا غير 3 جرعات مكاينش الرابعة".
وأوضح المسؤول في اللجنة العلمية بأن الإجراءات لي دار المغرب بإغلاق الحدود مهمة بزاف لحماية المغاربة وكذلك حماية النشاط الاقتصادي، مشددا أن الحجر الصحي بعيد يدار يلا ال4 مليون مغربي لي مزال متلقحاتش مشات َدارت التلقيح.
وأكد ذات المصدر أنه إلى حدود ليلة أمس، مكاينش حالة المتحور اوميكرون، مع العلم ان المغرب وسع ف عدد التحليلات وطلع ف نظام اليقظة لدرجة انه مكاينش تساهل فهادشي وخص تكون مراقبة علمية شديدة.