محلات بيع الدجاع فأزرو..الفوضى وغياب المراقبة والسلطة دايرا عين ميكا

محلات بيع الدجاج فيها الفوضى، لا تراخيص ولا مراقبة خصوصا بمدينة صغيرة فحال أزرو، وهادشي لي خلا شي وحدين يديرو مبغاو فهاد المدينة الزوينة.
وحسب شكايات توصلت بها "كود" فإن عدد من المواطنين تشكاو للسلطات، قيام بعض باعة الدجاج فظروف غير صحية واحداث الضجيج المزعج للسكان وناهيك عن الاشتغال ليلا (وفق فيديو توصلت به كود).
وتضيف الشكايات التي تتوفر "كود" على نسخ منها، بأنه في بداية الأمر قام صاحب محل بيع الدجاج بزنقة الجزائر احداف أزرو ، ببيع الدجاج، ثم بعدها بقدرة قادر أضاف تجارة بيع الدجاج الحي والأرانب، مما ألحق أضرارا مختلفة متمثلة في انتشار الروائح الكريهة المنبعثة من المكان الناتج عن بقايا قاذورات الدجاج والأرانب والأمعاء المختلفة.
هاد الروايح الكريهة مرضات ناس ومبقاتش قادرة تحل النوافذ باش تنفس الهواء النقي باش معروفة هاد المدينة. ولي زاد الطينة بلة، هو الكلاب والقطط الضالة كتجمع فديك الزنقة. من غير هادشي كايكونو اشخاص غرباء كيتجمعو حدا هاد المحل، ناس ولات خايفا على وليداتهم.
دبا السلطات دايرا عين ميكة على هاد المحل وغيرها من المحلات لي مدايراش شروط السلامة الصحية والنظافة مكايناش.
هادشي خصو تدخل سريع من السلطات، ناس عيات ومرضات من هاد المحلات لي فيها الفوضى.