شوافرية الطاكسيات فمليلية كيتشكاو من قلة الرواج بسباب اغلاق الحدود

albayancom0@gmail.com
نشر موقع "elfarodemelilla" ربورتاج صغير حول أزمة الطاكسيات ف المدينة ف ظل الجايحة وإغلاق الحدود والتأثير ديال هاذي الشي اللي خلالهم يفقدو تقريبا ما بين 70 و 80 ف المائة من الرواج ديالهم قبل تفشي الجايحة.
حسين ميمون القائم بأعمال ممثل نقابة سائقي سيارات الأجرة في المدينة قال للموقع الاسباني، أن أن "الخدمة ديالهم على طول حدود مليلية وغير سدات المعابر قلات عندنا الخدمة وبزاف ديال الشوافرية بدلو الحرفة اللي مابقاتش مربحة"، وأضاف حسين، "خاصك تخدم بالليل والنهار باش تدخل 30 يورو وهاذ الشي زيد عليه المصاريف الثابتة وارتفاع ثمن المحروقات".
"دابا الركاب اللي كييحيو ف العبارات قلال وحتا الناس اللي كيجيو ف الطيارة، أفراد عائلاتهم كيجيو يهزوهم بالطوموبيل"، يوضح الممثل النقابي ل "elfarodemelilla" ويضيف قائلا : "الرحلة من المطار إلى المركز، مع حقيبتين كتبلغ التكلفة ديالها تقريبا 7 يورو وهاذ الشي ما كينش حتى ف شي مدينة إسبانية أخرى وحتى الأسعار ما تزادتش من 2018، ودابا كنقدرو نديرو كورسة أو جوج ف النهار وأغلبية الوقت غير مجمعين كنقتلو ف الوقت ومعظم الخدمة ديالنا دابا غير كبار السن اللي باغين يمشيو للمراكز الصحية وحتى وسط المدينة ما بقاش فيه الرواج والحركة كما كانت".
Taxistas de Melilla: "Sin la frontera no tenemos trabajo"