بطريقة مهينة ومستفزة.. مذيع ضرب فوطوكَراف فبرنامج مباشر – فيديو

ارتاكب مذيع تركي معروف فبلادو خطأ كبير وزبلها على الهواء مباشرة، ملي كان عندو حوار مع مسؤولة حكومية، بعدما ضرب المصور الصحفي لوكالة "إخلاص" للأنباء (İHA) ودفعو وهادشي كعا الناس بزاف.
المذيع اللي سميتو "محرم ساريكايا" ضرب المصور "أحمد دمير" ملي حاول يقاد ليه الصوت فليزيكوتور ديال تلفونو وواحد الوقيتة كعا "ساريكايا" وضربو.
وكشفات صحيفة "الصباح" التركية أن القصة وقعات ملي كان المذيع داير حوار مباشر مع فاطمة شاهين، رئيسة بلدية "غازي عنتاب" التركية عبر قناة "Habertürk".
واخا لايڤ بقا المذيع محيح وكينكَر غير بوحدو فالوقت اللي الضيفة كتحاول تكمل كلامها بحالا ماواقع والو وهو ماكيسمعش ليها ومامسوقش. ما احتارمش حتى واحد.
من بعد هاد الاعتداء ناضت جمعية المراسلين الدبلوماسيين، وجمعية المراسلين الاقتصاديين، وجمعية المراسلين البرلمانيين، وجمعية المراسلين الفوطوكَرافيين فتركيا، وجمعية مصوري الأخبار فتركيا ودارو بيان مشترك ضد "محرم ساريكايا" وتضامنو مع المصور "دمير" ضحية الاعتداء.
كما أعلن اتحاد الصحفيين فتركيا (TGS) أنه غايقدم كل أنواع الدعم القانوني لدمير.
Burada tokattan sonra olanlar var. Saldırıdan sonraki tavırları da garip. Hiç bir şey yokmuş gibi konuşmaya devam etmeleri de tuhaf. pic.twitter.com/UhWlykmUd3
— Serhat Uçak (@serhatucak) December 19, 2021