عزيز عليه يخلع المغاربة.. ايت الطالب: الوضعية الوبائية جد مقلقة.. والابراهيمي يكذبه: قرار السدان غبي دمر السياحة وضعف الاقتصاد

عكس الارقام والمعطيات اللي فالواقع، وزير الصحة والحماية الاجتماعية خالد ايت الطالب مصر يخلع المغاربة، مصر يقول بلي الوضعية الوبائية فالمغرب جد مقلقة.
الوزير لي دار خرجة اعلامية ف"هسبريس"، قال بلي معندناش معطيات على تأثير اميكرون على المدى المتوسط والبعيد، مشيرا إلى أن هاد الموجة عاد بدات، وتجاوزنا عتبة 2000 اصابة، وان الاسبوع المقبل غانعرفو كثر من 5000 اصابة.
وأوضح ايت الطالب بلي 50 في المائة من المصابين لي فالانعاش غير ملقحين.
غير فهاد الحوار الوزير كرر نفس المعطيات، لي اصلا المغاربة كيطلعو عليها يوميا فالنشرة اليومية للوزارة.
قبل من خرجة الوزير، اعضاء فاللجنة العلمية سواء ديال كورونا وديال التلقيح، هضرو مع "كود" وأكدوا بلي كاين أمل، وبأن اميكرون لا يشكل خطر، وان دلتا هو السائد.
البروفيسور عز الدين الابراهيمي، عضو اللجنة العلمية حول كورونا، قال بأن اميكرون كيعطي مناعة ضد دلتا، مضيا في مقال نشره على صفحته الفايسبوكية :" في بريطانيا، تمت مواجهة حقيقية للفيروس دون إجراءات تشديدية كبيرة بما يوحي بإمكانية التعايش مع متحور أوميكرون".
وزير عزيز عليه يخلع ناس، مكيسمعش لأعضاء اللجنة العلمية، ودبا تبينات المعطيات بلي قرار السدان لي دارت الحكومة، قرار غبي دمر السياحة وضعف الاقتصاد. دبا شكون خصو يدفع ثمن هاد القرار؟.