القاضي اللي كيحقق فدخول إبراهيم غالي لإسبانيا بپاسبور مزور استدعى القائد الأعلى للعمليات فالبوليس باش يسمع لشهادتو

استدعى القاضي رافابيل لاسالا، المكلف بالتحقيق فقضية دخول زعيم جبهة البوليساريو، ابراهيم غالي، لإسبانيا بجواز سفر وهوية مزورين، استدعى خوسيه أنخيل كَونثاليث خيمينيث، القائد الأعلى للعمليات بالشرطة الإسبانية.
لاسالا استدعى خيمينيث باش يعرف واش كان عندو علم بدخول غالي لإسبانيا بپاسبور مزور، وهادشي ممكن يكشف المتورطين من البوليس وفالخارجية وفالداخلية الإسبانية.
وكان المفوض العام للاستعلامات داخل الشرطة أكد للقاضي في شهادته أنهجاب خبار بدخول غالي للأراضي الإسبانية قبل وقت قصير من هبوطه فمطار "لوكَرونيو" وأشار أنه عرف هادشي من مخبر ديالو اللي مايمكنش يفصح على هويتو حماية ليه، وهادشي كيمنحو ليه القانون بما أنه خدام فالقسم الاستخباراتي.
ونفى ايوكَينو بيريرو أنه يكون تلقى هاد المعلومات من مصدر رسمي وأكد بللي جاتو من مخبر خاص، هادشي اللي خلا القاضي يستدعي القائد الأعلى للعمليات فالبوليس الإسباني باش يعرف واش كان فخبارو بللي ابراهيم غالي دخل وباش يعرف منو منين جاب ايوكَينو لخبار.
https://www.elmundo.es/espana/2022/01/18/61e6a160e4d4d8ec4a8b45b9.html