مغربية وليبيين تشدو ف اسبانيا بسباب تمويل الإرهاب. خلصو فلوس على جهاديين ف كلينيكات پريڤي

albayancom0@gmail.com
قالت تقارير إعلامية، أن الشرطة الوطنية الاسبانية شدو امرأة كتحمل الجنسية المغربية وجوج ليبيين ف إطار عملية لمكافحة الإرهاب بعدة محافظات وبتنسيق من المحكمة الوطنية. المدعي العام بالمحكمة الوطنية العليا غادي يتابع هاذ الموقوفين من أجل تمويل الإرهاب.
ووفقا لما أوردته صحيفة "La Vanguardia"، المتهمين اللي تشدو عندهم ارتباط بخلية جهادية خلصات تكاليف الرعاية الطبية لإرهابيين ف كلينيكات پريڤي ف برشلونة. ويتعلق الأمر بعدد من الجهاديين الليبيين اللي جاو اسبانيا قبل سنوات باش يتعالجو من إصابات بسباب الحرب وغير تشافاو وخرجو من الكلينيك رجعو لبلادهم وحاربو مع تنظيمات جهادية وكاين فيهم اللي نفذ عمليات انتحارية.
وأضافت تقارير أخرى، أن هاذ الريز كان كيتعامل ب السيستم ديال الحوالات عبر حلقة من أشخاص كاينة الثقة بيناتهم والفلوس كتروج غير وسطهم والتحقيقات كشفات ان فلوس صحيحة تم تداولها بين هاذ الأشخاص واللي الغالبية ديالهم كينتميو لمنطقة الزاوية الليبية المعروفة بكثرة مافيات تهريب النفط في الساحل الغربي لليبيا.
https://www.diariodesevilla.es/espana/detenidos-operacion-antiterrorista-yihadista-provincias_0_1653735038.htm