شي وحدين يالاه فاقو.. البوليساريو انتاقدات تصريحات الحكومة الإسبانية اللي كتدعم مبادرة الحكم الذاتي فالصحرا المغربية

انتاقدات جبهة البوليساريو بشدة التصريحات الأخيرة لرئيس الحكومة الإسبانية بيدرو سانشيز، واللي جدد من خلالها دعم بلادو الكامل لمبادرة الحكم الذاتي تحت السيادة المغربية، واللي تقدم بيها المغرب لحل النزاع الإقليمي فالصحرا.
بيان صادر عن البوليساريو، جا فيه بللي من بعد الإطلاع على التصريحات ديال رئيس الحكومة الصبليونية نهار الأربعاء فبرلمان بلادو، فإن جبهة البوليساريو "كتجدد إدانتها بكل قوة لمحتويات تلك التصريحات الداعمة للموقف المغربي".
البيان وصف التصريحات اللي خرج بيها سانشيز أمام البرلمان الإسباني، بأنها "خيانة لجبهة البوليساريو وعدوان ضد مصالحها"، على حد تعبيره.
يذكر بللي رئيس الوزراء الإسباني بيدرو سانشيز، كان قد عبر على دعم بلادو الكامل لمقترح الحكم الذاتي تحت السيادة المغربية اللي تقدم بيه المغرب لحل نزاع الصحرا، وهو القرار اللي وصفو ذات سانشيز بأنه قرار سيادي صادر عن الدولة الإسبانية.