أكبر ريزو ديال التلفون والأنترنت فكندا طاح "En panne" و بسبابو تبلوكاو كَاع القطاعات وبنادم داخ – فيديوهات

طاح أكبر ريزو "GSM" وأنترنت فكندا "En panne" وهادشي أثر على بزاف ديال الخدمات سوا فالقطاع العام أو البريفي، وتأثرو بيه حتى ليكَيشي بونكير والخطوط الهاتفية الخاصة بالطوارئ.
ووقفات خدمات عمومية كثيرة بسباب المشكل اللي وقع فالريزو ديال شركة "روجرز" للاتصالات (Rogers Communications)، اللي واعدات من جيهتها بللي غتصلح العطب اللي رون الناس فجميع أنحاء كندا فأقرب وقت ممكن.
وحتى لحدود هاد الصباح بكري مزال ماعلنوش على السبب اللي بلوكا الاتصالات الخاصة بهاد الريزو الكبير، وهادي هي المرة الثانية فاش كيوقع بحال هاد الانقطاع فمدة ديال 15 شهر.
وبدا انقطاع خدمات الاتصالات والأنترنت مع ال4 وتص بالتوقيت المحلي، وتراجعات لافيتاس ديال الأنترنت بحوالي 75 فالمية مقارنة مع الصباح ديال نهار الجمعة، حسب موقع "نيتبلوكس" المتخصص فمجال الأنترنت.
iframe width="500" height="281" src="https://www.youtube.com/embed/VXlGPq1vUEI?feature=oembed" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="" title="" back="" to="" the="" olden="" days":="" rogers="" network="" outage="" impacting="" phones,="" internet,="" interac="" in="" canada"=""