بدية مكفسة فالمونديال.. إيران خسرات مع الننكليز

خسر المنتخب الإيراني مع الننكليز اليوم الاثنين فأول ماتش له فكأس العالم قطر 2022، وبنتيجة كبيرة فالمجموعة الثانية، مع العلم أن اللعابا الإيرانيين رفضو يغنيو النشيد الوطني قبل ما يبدا الماتش احتجاجا على الأوضاع اللي كتعرفها بلادهم.
منتخب ايران خسر مع الننكليز بحصة 6 لبيوتا مقابل 2، وماركا للنكالزا كل من جود بيلينكهام فالدقيقة 35، وبوكا بوساكا فالدقيقة 44 و 62، ورحيم ستيرلنيك فالدقيقة 45، وماركوس راشفورد فالدقيقة 75، وجاك كراليش فالدقيقة 90، أما الايرانيين اللي توعت له الكول مع بدية الماتش وخرج، مارك لهم الهدف الأول والثاني فالماتش مهدي طارمي فالدقيقة 65، والثاني من ضربة جزاء فالدقيقة 113.
وتصدر المنتخب الننكليزي من بعد هاد الرباح الكروب 2 وخدا 3 النقاط، أما إيران فعندها 0 نقطة، فانتظار ماتش الميريكان ضد الويلز فنفس المجموعة هاد العشية.
وللصدف فكل من إيران الشيعية وقطر الإخوانية اللي كيحاولو يستغلو الرياضة بأي طريقة فاهدافهم العقائدية والسياسية، خسروا أول ماتش فكأس العالم وبداو بداية مكفسة، إيران خدات 6 من عند الننكليز وقطر اللي منظمة البطولة خسرات مع الاكوادور البارح بنتيجة 2 لزيرو والقضية تعقدت عندهم إلى بغاو يتأهلو للدور الثاني.