تبريرات وزير العدل غير مقنعة.. ناس شككات بزاف من لاليست الناجحين لي فيها ولاد "غير هوما" ووهبي كيقول ليكم "اللي ما عندو فلوس.. كلامو مسوس" ولدو نجح حيث باه لباس عليه

"اللي ما عندو فلوس.. كلامو مسوس" هادشي لي بغا يقول وزير العدل عبد اللطيف وهبي، للمغاربة، هنا فين كاين المشكل لوزير كيبرر نجاح ولدو فامتحان المحاماة حيث باه لاباس عليه. ماشي حيث كفاءة.
وهبي فبرنامج نقطة إلى السطر، الذي بثته القناة الأولى مساء الثلاثاء 3 يناير 2023، قال إن ابنه فعلا يتوفر على إجازة من جامعة كندية، لكنه مجاز في نفس الوقت من جامعة بالمغرب، ودرس مع أبناء الشعب، "وأنا أيضا، خريج الجامعة المغربية، ودرست فيها، ثم ما الذي يمنع ابني من اجتياز امتحان المحاماة وينجح؟.
المشكل ماشي حيث ولدو خريج الجامعة، لا المشكل هو تقول أن باه لاباس عليه وقراه فكندا، ونتا جيتي من القاعدة وكنتي يساري وتظل ترافع على الطبقة الشعبية، دبا لي معندوش فلوس ميقدرش ينجح حيث مغاديش يكون عندو تكوين.
وهبي عارف مزيان كيفاش كانت كادوز امتحانات المحاماة فالسابق، وكيفاش كاتكون التدخلات وميقدرش ينفيها. دبا الناس عطات شكوك ومن حقها، شافت بلي هاد لاليست ديال الناجحين طلعو فيها غير صحاب الحبة والجاه واللي باواتهم عندهم جداواتهم فالعرس.
تبريراتك أسي وهبي غير مقنعة للرأي العام، الفايسبوك شاعل، ناس تضررت، طلبة وخريجين كولشي فاقد الأمل. بحال تصريحاتك لي كتخلي ناس تفكر تخوي المغرب وتمشي تاهي لكندا وأوروبا.
وهبي قال بلي: "بغا الحفاظ على مهنة المحاماة ماشي نلقا محامي سائق طاكسي".. ولكن نسا بلي لي نجحو راه منهم لي عندهم وظائف ومنهم مسؤولين بوزارة العدل. دبا واش وهبي كيخلق فرص شغل جديدة ولا كيدير غير إعادة تدوير المناصب، من التعليم للمحاماة، من العدل للمحاماة، من المال والأعمال للمحاماة.
هاد الامتحان كانت فيه اكثر من علامة الاستفهام، ومبرر تقنية QSM مثيقوهاش المتبارين، ناس بغات المصداقية فالخطاب، بغاو يعرفو علاش ولاد "غير هوما" لي نجحوا، هوما لا. شعيبة يقرا ويسهر ويتدرب وميجيبش معدل. ولد فلان وعلان جابوه. شيتبريرات وزير العدل غير مقنعة.. ناس شككات بزاف من لاليست الناجحين لي فيها ولاد "غير هوما" ووهبي كيقول ليكم "اللي ما عندو فلوس.. كلامو مسوس" ولدو حاجة مراكباش.