امرا فبني ملال باغية الشهرة بحوايج غريبة. طلبات هادي سنوات يرخصو ليها تهرس قالب السكر فلليل وهاد السيمانا قدمات طلب لرئيس الجماعة رخصة ديال التسول (2 طلبات

امرا فبني ملال درات البوز بشي حوايج غريبة. هاد السيدة كتبات طلب للمجلس الجماعي باش يعطيها رخصة ديال التسول، يعني باش تولي طلابة، وهو الخبار لي دار ضجة في مواقع التواصل الاجتماعي، في اليومين لي فاتو.
وهاد المرا، فشهر يوليوز للي فات، مشات عند القايدة ديال ملحقة فبني ملال، واتهمات المقدم بأنه دق عليها فالليل، ودخل صحة الوسط الدار، حينت شك فيها كتبني بناء عشوائي، على حسب هضرتها. هاد الواقعة خلاتها تدفع طلب للقايدة باش ترخص ليها تهرس قالب السكر فالليل، باش ما يبقاش يدق عليها المقدم.
هذا، علما أنها هي نفسها كانت دارت اعتصام قدام جماعة بني ملال هادي 9 سنين، وخذات بقعة أرضية باش تخوي دارها للي كانت غادية تريب. وبانت في موقع إلكتروني معروف وطلبات المحسنين يعاونوها باش تبني البقعة، وبعد ضجة "قالب السكر"، بانت في فيديو وهي كطلب مرة أخرى المحسنين باش يعاونوها.