يوسف النصيري: أنا مازال مع إشبيلية وغادي نعاون فرقتي والفلوس ما كيهمونيش

كيفما كشفت تقارير إسبانية خلال الساعات الماضية، فالدولي المغربي يوسف النصيري غادي يبقى مع إشبيلية الإسباني، وبالتالي العرض اللي قدمو ويستهام الننكليزي للاعب باش يحصل على خدماتو ترفض، وهادشي حسب ما علن عليه وكيل أعمال النصيري، اللي أكد أن الموكل ديالو مستمر مع الفريق الأندلسي.
وكيل أعمال يوسف النصيري خرج بلاغ باش يوضح شنو واقع بخصوص مستقبل اللاعب المغربي وأكد: "بالنظر إلى الأنباء اللي تم نشرها فالأيام الأخيرة حول احتمال رحيل يوسف النصيري عن إشبيلية خلال فترة الانتقالات الشتوية الحالية، حنا الوكلاء ديال اللاعب نخبر أن اللاعب لا ينوي مغادرة النادي فالوقت الحالي، حيث باغي ييبقى مع إشبيلية حنى توصل المكان اللي كيستحق".
ونقل وكيل أعمال النصيري رسالة من اللاعب المغربي قال فيها: "كنشكر جميع الأندية اللي تواصلت مع وكيل أعمالي، ولكن أنا دابا باغي نركز غير مع إشبيلية، والقضية ماشي فيها لفلوس، ولكن هي مسألة رياضية، وعندي الرغبة فمساعدة الفريق في أسوأ اللحظات، عندنا فريق واعر وحنا متاكدين بلي غنمشيو للقدام. أتيحت لي الفرصة للخروج في مناسبات أخرى، وما بغيتش. حنا الآن جميعًا محتاحين إلى بعضنا البعض. باقي عندنا موسم طويل. وعندنا ثلاث مسابقات".