الناصيري عطى قرار بإعادة فلوس تيكي ماتش الوداد والحسنية لماليهم ورحب بدعم الجماهير الودادية

رحبت إدارة الوداد الرياضي بالجماهير اللي بغات ترجع فلوس تذاكر ماتش الحمرا وحسنية أكادير اللي تقرر يتلعب غدا الجمعة فستاد دونور ويكلو بين الفريقين، وغادي ترجع لهم المبالغ المالية ديالهم باش شراو التيكي.
ووضعت شركة "كازا ايفنت" المسؤولة على تنظيم وتسيير مرافق المركب الرياضي محمد الخامس بكازا، رابط الكتروني بالنسبة للجماهير اللي بغات التعويض عن مبلغ التذاكر الخاصة بمباراة الوداد الرياضي وحسنية أكادير.
عملية طلب التعويض تحددت فالفترة الممتدة ما بين اليوم الخميس وغدا الجمعة مع 6 وربع ديال لعشية، وغادي يتم تحويل 100% من التعويضات إلى الحسابات البنكية اللي تمت بها عملية اقتناء تذاكر الماتش ما بين 3 أيام و 15 يوم.
وبالنسبة للوداديين اللي عندهم رغبة فشراء تذاكر افتراضية خاصة بالماتش ما بين الوداد الرياضي وحسنية أكادير، فنزولا عند الطلب ديالهم كطريقة لدعم النادي، واخا قرار منع الجمهور من حضور الماتش، قرر نادي الوداد متابعة عملية بيع تذاكر اللقاء المذكور.