الناصيري غاضب بسبب إقصاء الوداد من الموندياليتو وما غيدوزهاش

ما تقبلش سعيد الناصيري رئيس الوداد الرياضي إقصاء الفريق من ربع نهائي كأس العالم للأندية على يد الهلال السعودي، السبت اللي فات فتيران مولاي عبد الله بالرباط، فالوقت اللي كان فيه الرهان كبير على الحمرا لبلوغ دومي فينال على الأقل.
وحسب مصدر مطلع فرئيس الوداد الرياضي سعيد الناصيري غاضب بسبب الخروج المبكر ديال الواك من الموندياليتو، وغيدير اجتماع ديال المحاسبة مع مدرب الفريق المهدي النفتي.
نفس المصدر، أكد أن الناصيري طلب من المهدي النفتي يوجد تقرير على ماتش الوداد الرياضي والهلال السعودي، باش كل واحد يتحمل مسؤوليتو فالإقصاء اللي تعرض له الفريق سوا المدرب أو اللاعبين.
سعيد الناصيري ما غاديش يدوز الإقصاء من كأس العالم للأندية مرور الكرام، حيث إدارة الحمرا كانت واقفة على كل كبيرة وصغيرة فتحضيرات الفريق وجميع الإمكانيات تسخرات باش الواك يشرف المغرب وإفريقيا فهاد البطولة بما في ذلك مركز محمد السادس لكرة القدم اللي وضعتو الجامعة الملكية المغربية رهن إشارة الفريق باش يوجد فيه.