بإشراف من الناصيري.. محبوب الوداديين مؤيد اللافي غيكون مع الواك فالموندياليتو

غادي يزيد الوداد الرياضي الدولي الليبي مؤيد اللافي للائحة ديال الفريق اللي مشاركة فكأس العالم للأندية "المغرب 2022′′، واللي من المنتظر تقفل الخميس الجاي قبل يومين من مواجهة الهلال السعودي فربع نهائي البطولة.
وحسب مصدر مطلع فتقرر باش يتزاد مؤيد اللافي إلى اللائحة النهائية ديال الوداد الرياضي فكأس العالم للأندية، وغياخود بلاصة الجزائري جمال بن العمري اللي صبح شبه مستحيل يشارك مع الفريق فالبطولة واخا سنا مع الواك، حيث هرب من بعدها من بعدما ضغطو عليه المخابرات الجزائرية، وبالتالي اللاعب الليبي غيكون فلاليست فينال اللي فيها 23 لعاب ديال كوب ديموند.
وكان المدرب التونسي ديال الوداد الرياضي المهدي النفتي وضع مؤيد اللافي خارج لائحة الفريق فكأس العالم للأندية، وكان قال البارح فتصريح لموقع "كود" إن السبب اللي خلاه ما يحطوش هو اختيار وصافي حيث عندو 5 الأجانب فالفريق، أنه كيعرف بلي اللافي عطى بزاف للوداد.
أما سعيد الناصيري رئيس الوداد الرياضي فراه أكد فتصريح سابق لموقع "كود"، بلي أنه ما غاديش يتخلى على مؤيد اللافي وغيوقف معه باش يرجع للمستوى ديالو وأن الواك عمرو ما يفرط فاولادو وراه مستعد كرئيس للوداد يحل المشكل ويهز اللافي ويديه حتى المدرب.