كي داير السوق اليوم؟ اثنين بن حمد اللحم ب75 وبطاطا والبصلة ب4 وماطيشة هبطات ل8

اليوم الاثنين كاين السوق الاسبوعي بابن حمد باقليم سطات. السوق اليوم صبح ناقص مقارنة بسوق السبت فراس العين بنفس الاقليم هادي يومين.
اللحم البگري داير 75 درهم للكيلو هاد الصباح. نفس الثمن هادي يومين بسوق السبت. علاش درنا البگري وماشي الغنمي٬ حقاش دابا هو اللي موجود. بزافت الگزارة اللي سولاتهم "كود" قالو باللي ما عندهمش الغنمي واللي عندو كيبيعو بنفس الثمن.
ايلى كان اللحم وصل لهاد الثمن فجوج السواق فالخضرة طاحت. بطاطا وصلات اليوم فسوق بنحمد ما بين 5 و4 دراهم. هادي يومين كانت ب6 دراهم.
نفس الثمن كتباع بيه البصلة اليوم فالسوق. طاحت تقريبا بدرهم.
خيزو قل شوية. كيتباع ما بين 3 و4 دراهم.
اللي باقي شاد السوق ولكن بدا ينزل فالثمن هي ماطيشة. كانت فسوق راس العين نهار السبت ب9 دراهم. اليوم كتباع ب8 دراهم.
طبعا اثمنة بحال هادي راها قاصحة على منطقة كتسنى الشتا بعد ما ضرات بزاف الجريحة الخضرة والزرع ...