فضيحة هروب الجاموس من الباطوار فالرباط.. ها شكون المسؤول فالجماعة اللي مدارش خدمتو وفضحنا قدام العالم وزايدها بتصريحات: المهمة ديالنا درناها باش جوج عجولا ميضربوش المواطنين

هروب الجاموس من الباطوار (الكرنة) فالرباط، لبارح الأحد 9 أبريل 2023، كيطرح السؤال على شكون المسؤول على هاد الفضيحة لي وثقتها الصحافة وتنشرات على أوسع نطاق.
Loading Ad
00:00
/
00:00
طبعا للي مسؤول هو الجماعة ديال الرباط، هي اللي كتسير هاد المجزرة اللي هرب منها الجاموس، غير للي غريب هو أن كمال العمراني، المسؤول على المجازر في مكتب مجلس المدينة، تاهو حضر للمشهد كيعطي تصريحات وكيقول بلي: "3 سوايع وحنا كنجريو باش هاد جوج العجول ميأديوش الناس".
وأضاف المسؤول على المجازر، واللي هو النائب الثالث ديال العمدة: "الحمد لله حيدنا الخطر حيث متأداش تا مواطن"، مؤكدا بلي المهمة ديالو نجح فيها حيث العجولا مأداوش المواطنين وحيدو الخطر.
الفضيحة هي كيفاش هاد العجولا خرجو من الباطوار؟، أما أن المواطنين يتقاسو ولا مايتقاسوش هنا مبقاتش مهمتك.
الفضيحة هي العجولا دخل لمحل تجاري وضربو طوموبيل سائح أجنبي، راه على دقة كان ممكن طيح شي روح.