متنصرون مغاربة يقلبون صينية ناس الغيوان ويوظفونها في التبشير

لم يستسغ الفنان عمر السيد ما قامت به بعض الجهات على شبكة الانترنت، التي حورت كلمات ومعاني أغنية "الصينية" الشهيرة التي أبدعتها فرقة ناس الغيوان منذ أكثر من ثلاثين عاما.
واستنكر عضو فرقة ناس الغيوان قرصنة هذه الأغنية وتحريف كلماتها وتوظيفها في التبشير والدعوة إلى اعتناق النصرانية والدين المسيحي .
ووصف السيد في تصريح لجريدة "التجديد" هذا العمل بالدنيء والإجرامي، مهددا برفع دعوى قضائية بعد الإحاطة بالموضوع والتعرف على هذه الجهات التي أساءت إلى ناس الغيوان وإلى الشعب المغربي .
وقال السيد بأن هذه الأغنية لم تعد ملكا للفرقة بعد أن حفظها الناس وتداولتها الشرائح الاجتماعية المغربية منذ السبعينيات وإلى الآن ، لكن هذا لا يعني قرصنة الأغنية وإفراغها من محتواها وتشويه معانيها".
وأشار السيد أن التوظيف الدنيء للأغنية، يخالف عقيدة الشعب المغربي ويمس جوهر الدين الإسلامي، الذي ينص عليه دستورنا.
وحول لجوء هذه الجهات إلى قرصنة وتحريف أغنية الصينيةبالذات ، أرجع السيد اختيار هذه الأغنية إلى شعبيتها وذيوعها وسهولة كلماتها وجميل لحنها الذي يثير الجذبة ويحرك النفس الساكنة، مستنكرا أي انتحال وتحوير مهما كانت دوافعه، احتراما لحقوق المؤلف .
وتقول الأغنية المحرفة التي تم نشرها في أكثر من موقع إلكتروني حسب ما أورده موقع إسلام اونلاين: والديا، أترجاكم اسمعوا لي شويا ، أنا راني آمنت بالمسيح، نور حياتي وفي طريقه خذاني، وبدمه راه فداني وشراني . فيما تمتح أغنية ناس الغيوان الأصلية كلماتها من قاموس المعاناة اليومية بنفس مهمومة لكنها مؤمنة بالقدر ومتشوفة إلى الرحمة :(أنا راني مشيت والهول اداني ياللي ما شفتوني ترحموا عليا والديا واحبابي ما سخاو بيا بحر الغيوان ما دخلته بلعاني ..).
النص الكامل لأغنية الصينية
فين اللّي يْجْمًُْعُو عْلِيكْ اهَلْ النِيَّة
آه يا الصينية . . .
دُوكْ اللّي يَونْسُوكْ . . .
فِينْ اهْلْ الجُودْ وَالرْضَى . .
فَِينْ حْيَاتِي . . . فِينْ حُومْتِي وُاللِّي لِيَّا
آْه يَا الصِّينِيَّة . . .
وَاعْرْ بْلاَهْ مَا سَاهْلْ حْبْ الكَاسْ
آهْ يَا غْيَّاتْ مَا نْسَاكْ الخَاطْرْ
وَاعْرْ بْلاَهْ مَا سَاهْلْ عَشْقْ النَّاسْ
آه يَا غْيَّاتْ حْرَامْ يِنْسَاكْ الخَاطْرْ
وَاعْرْ بْلاَهْ . . . جَايْنِي بْغْرَامُه . . .
وَالْعَنْبَر إِلَى يْجِي كُدَّامًُه . . .
وُالنْعْنَاعْ . . . وًُالشِّيبَة . . .
آهْ يَا الصِّينِيَّة . . .
أَيَا نْدَامْتِي وَيَانْدَامْتِي
وُمَالْ كَاسِي حْزِين مَا بِين الْكِيسَانْ ؟
أَيَا نْدَامْتِي وَيَانْدَامْتَِي
وْمَالْ كَاسِي تَايْهْ تَايْنِينْ زَادْ قُوَّا عْلِيَّا ْلحْزَانْ ؟
مَالْ كَاسِي بَاكِي وَحْدُه
مَالْ كَاسِي نَادْبْ حَظُّه
مَالْ كَاسِي يَا وَعْدُه هَذَا نَكْدُه . . . غَابْ سَعْدُه . . . ؟
آْه يَا الصِّينِيَّة . . .
أَيَا نْدَامْتِي وْلِيعَة بْرَّادِي فِينْ غَادِي يْتْشْحَّرْ ؟
أَيَا نْدَامْتِي وُحِيرَةْ بْرَادِي جَايْبِينْ جُوجْ مْجَامْرْ
مْجْمْرْ عَامَرْ بِالْفَاخْرْ
وُمْجْمْرْ بِاللّْظَى الْهَاجْرْ َفَاخْرْ صَارْ رْمَادُه
لْقْلْبِي الْمْحْرُوقْ بْ لْبْعَادْ . . . آشْنُه ذَنْبْ الْبْرَّادْ
آهْ يَا الصِّينِيَّة . . .
أَيَا نْدَامْتِي وُمَالْ سُكْرِي عَاجْزْ يْزُولْ هَادْ لَمْرُورَة ؟
أَيَا نْدَامْتِي وُمَالْ نَعْنَاعِي عَاجْزْ يِطْلْقْ لْخْضُورَة
مَالْ كُلّْ حَاجَة مَعْكُورَة . . . ؟
مَالْ دَاتِي هَكْذَا مَهْجُورَة . . . مَنْكُورَة مَقْهُورَة ؟
آهْ يَا الصِّينِيَّة . . .
يَاللِّي مَا شْفْتُونِي رَحْمُوا عْلِيَّا وَأَنَا رَانِي مْشِيتْ وَالْهَوْلْ دَّانِي
وَاْلدِيَا وُاحْبَابِي مَا اسْخَاوْ بِيَّا بَحْرَ الْغِيوَانْ مَا دْخْلْتُ بَلْعَانِي
تَانْعْيّْطْ لَْلشِيخِي مَا تْضِِيقْ بِيَّا
أَنَا يَا مِيلاَفِي فِينْ نْبْغِي نْجِيكْ
وَإِلَى جِيتَكْ عْزِّينِي
يِجْعْلْ ذَنْبْ الدَّنْيَا عْلِيكْ انْتَ اللِّي فَارْقْتِيِنِي
وَتَانْعَيّْطْ للْشِيخِي مَا تْضِيقْ بِيَّا
غَرَضْ الله بُوعْلاَمْ الْجِّيلاَلِي
وَأَنَا رَانِي مْشِيتْ وَالْهَوْلْ دَّانِي وَالْدِيَّا وَاحْبَابِي مَا سْخَاوْ بِيَّ
بَحْرَ الْغِيوَانْ مَا دْخْلْتُ بَلْعَانِي
فِينْ الْبْنَاتْ تْجِيكْ لَابْسَة وُالْبُوكِيَّة
فِينْ لَكْسَابْ تْجِيكْ رَايْحَة وْقْتْ عْشِيَّة
وَأَنَا رَانِي مْشِيتْ وَالْهَوْلْ دَّانِي وَالْدِيَّا وَاحْبَابِي مَا سْخَاوْ بِيَّ
بَحْرَ الْغِيوَانْ مَا دْخْلْتُ بَلْعَانِي
وَالْدَّنْيَا مَثَّلَتْهَا لْبُوسْ الْعَارْيَة
طَاعْ الزِّينْ لْحَادَّة وُخِّيتْهَا وَرْدِيَّة
وَأَنَا رَانِي مْشِيتْ وَالْهَوْلْ دَّانِي وَالْدِيَّا وَاحْبَابِي مَا سْخَا
بَحْرَ الْغِيوَانْ مَا دْخْلْتُ بَلْعَانِي
وَالْدِيَّا نَتْرْجَّاكُمْ لاَ تْلُومُونِي فَ الْكِيَّة
وَالْدِيَّا نَتَرَجَّاكُمْ لاَ تْلُومُونِي فَ اْلبَلْيَة
بْلِيتْنِي أَنَا . . . كِيْتِي أَنَا . . . أنْكَبَْتِي أَنَا بَكَّاتْ عَدْيَانِي
وَالْدِيَّا وَاحْبَابِي مَا سْخَاوْ بِيَّا بَحْرَ الْغِيوَانْ مَا دْخْلعَاني
وَأَنَا رَانِي مْشِيتْ وَالْهَوْلْ دَّانِي وَالْدِيَّا وَاحْبَابِي مَا سْخَاوْ با
بَحْرَ الْغِيوَانْ مَا دْخْلْتُ بَلْعَانِي ""