"مول البيضة " والداي مرضا وزوجتي أنجبت قبل الأوان بسبب اعتقالي

خرج صاحب الفيديو الشهير الذي كان يدعو فيه لمقاطعة محطات الوقود "إفريقيا " يحيى عادل، الملقب ب"مول البيضة"، بتصريحات مؤثرة.
و كان مول لبيضة قد اعتقل بسبب فيديو يهدد فيه أصدقائه مازحا إذا لم يقاطعوا منتوجا معينا، خرج بتدوينة مؤثرة في حق من تسبب في نشر الفيديو الذي اعتقل من أجله.
و كتب في تدوينة نشرها على حسابه الشخصي على فيسبوك، "كنقدم اعتذاري الكبير لكل واحد شاف ذاك الفيديو اللي فيه كلام نابي سمحو ليا بزاف والله يسمح ليا على السب والشتم في حق خوتي غير كنضحكو ديما بالسبان، الفيديو كنت لحتو فواحد الكروب غير باش نضحكو لا علاقة ليه بالمقاطعة ولا الجماعة والكروب فيه غالرجال مافيهش البنات وطلبت منهم باش ميخرجوهش ومع ذلك بنادم خرج الفيديو ...وهاذوك اللي خرجوه شوف فاش تسببتي ليا الواليدة مرضات حيث فعمري 35 سنة وجامي ضاربت ولا تشديت والواليد وخوتي وصحابي وكلشي مرض معايا وبسباب اللي خرج الفيديو المدام مرضات وولدات قبل الوقت خرجتي عليا معنويا وجسديا وماديا بزاف وبزاف وبزاف...بغيت نقوليك واحد الحاجة قتلتيني وعذبتيني وأقسم بالله العلي العظيم واليوم الجمعة مسامحك دنيا وآخرة ...القلب أبيض بزاف