الصبيطار لكبير كان فيه الشاف لكبير و الشاف لكبير بزاف و الفقيه الشيفور مول الهديات و السوارت

ها هو السيد الصبيطار الجديد - إيجي ليه الصغير و المتوسط و الكبير / و لكن كان كاي إيسيرو واحد لكبير – لكبير كان كاي إيسيرو واحد مربع و صغير / تربع لكبير على كرسي التسيير- أوبدا كيجري وي جاري ويطير/ جهز البيرو وجنابو أدي المآم - بمليينات عرق الخوت و الخوتات / ضار بيه شمهروج الجوكير لمبرهش - مقس الهديات و ساروت الممسئلين / هاز راسو كيقلب على الريزو - دار ليه لشمهروج مول المجيمير لجام / فوسخو من النضال و مبادئه بدل التوني ديال العز ولبس ديال الشرود / جاب ليه مولات الدار ها الباهية كملات - البيدق ضام أو شد الواد وبدا الحساب / كرطو من بقايا النضال و الكفاح - لبسو شي توني بحال ديال الشاف / طلقو على الخوت بالليل و النهار - كاي ضل يجري بحال شي كشاف / برزو أو جاب ليه النكافة الجريفية - داخلة خارجة ديما بلا حساب / رجع المناضل بحال شي لعبة ديال الكراكيز - دار ليه السبيب في راسو وربط صباعو / ركب ليه اللجام وبدا إيزيدو وي وقفو - وي ربطو من عنقو حتى يسخن وي طلقو / ها الكاميلة مكادة و مصاوبة - دوق عاد كول شم و بركم / داق المناضل و قال هادشي شحال بنين - و زين غادي نغلق مزيان / و شحال ساهل ماهل ما فيه صداع - لا سير لا أجي الشغل موجود و جاهز / المناضل بدا كايحس بالقوة في ضلوعو - و بدا الدم كيسري في عروقو جهل وبدا كيعض / الأول و الثاني بالليل و النهار كاي قول - اللي ما عجبو الحال
غادي طيرو / الجوكير البيدق مول الخبيزة و البراد - كايسخن المناضل وقت ما برد / هاز معاه الرابوز و المجيمير - كايزند الفيخرات و يشعل الميش / المناضل كايبدا يطرطق و يتركل - و يخرج نيابو و عينيه ويدير الليكات / كايقلب الضواصا و الريوس - مكاين والو خاصنا ديرو شي فخ / هنا الجوكيرالبيدق و النكافة الجريفية - كايزيدو ليقامة في الطاجين / كاي يزندو المجمر ويديرو الفاسوخ الوسقي - إزيدو علية الشبة و الحرمل / كاي كولو للمناضل: شب شباين كل نهار دراع و شبراين و الزيادة من عند الله يا حبيبي رسول الله / الله إي حفظك وي نجيك من العينين خمسة و خميس على العديان أنت محصن. مشات ليام أو جات بحال الستيام – الجوكير طلع في لكراد – طلعو واحد لكبيبر كبر بزاف – الجوكير فرعن أو دار لكرون – بدا إيدور وي بركم ولد الهم – كايقلب كيف إيضيم وي شد الواد – كال ثلاثة أو ضام ها الطرح مشدود – الشانتيي تحل و الشهية تفتحات – لعاقة موجودة غير بالبرودة – كول أو وكل نفخ كروش الخوت – قاتلهم الجوع كتيرشي الشاف لكبير- أما لكبير بزاف كرشو صغيرة – لوح عظيمات إيغززهم بنيابو – هداك عزيزة عليه غير القبة – واخا مرة مرة كيبغي الحبة – بركا عليه غير شليضات – طاجين لملوجة و الهبرة لشيفور – الشغل كمل خاص الصداع – لاقا السلوكا بين لكبير و لكبير بزاف – تساخر اللور كيف عادتو كيتفرج – الجويجة مسمكين واكلين شدق الجمل – الناس متبعا الماتش الديربي – ماتش بلا حكم لا ديال الوسط لا ديال الشرط – التوقيت تقادى و الوقت الضيع كثر منو – الناس كات غوت حيت مخلصة – فين النتيجة واش هذا لعب – كاي قولو اللي شاف شي يقول الله يستر – الشاف لكبير مشا فحالو و لكبير بزاف حتى هو مشا واحد طلع إلى راس الخريطة و لاخر نزل – جاو شافات اخرين طارو بالسرعة والفقيه الشيفور مريفي في بلاصتو - قالوا الله يجعل أخرنا أحسن من أولنا .الشاف لكبير طار هاد ليامات – واش الفوقي بحال التحتي ؟ – لكبير بزاف باقي في بلاصتو – قلنا بقا الفقيه الشيفور ضايم أو شاد الواد – ولكن هاد الأيام الواد بدا كيحمل جاو صحاب الحال – الفقيه واخا ضايم أو شاد الواد صبح كيحسب لراسو - قالو لوالا آ مولا نوبة – أو قالو عاود ثاني كل ما لعباتو المعزة في قرون الجبال تخلصو مثني و مثلث في دار دباغ.