القاضي ::" علاش ضربتي البنت...."المتهم : "بقات حاضياني أوقالت راه داير العوكاز بحال خوه......"

دخل القاضي رئيس الجلسة بعد زوال يوم الاثنين الماضي إلى إحدى القاعات بالمحكمة الابتدائية بآسفي رفقة قاضيين اثنين وممثل النيابة العامة وكاتب الضبط لمناقشة مجموعة من الملفات التي تختلف طبيعتها من متهم لآخر،كما كانت القاعة غاصة بعشرات المواطنين والمواطنات الذين حضروا لمتابعة أطوار هذه الجلسة.
ينادي القاضي على المتابعين ذلك اليوم متهما متهما والذين كانوا في حالة اعتقال قصد الاستماع إليهم كل واحد والتهمة الموجهة إليه من قبل وكيل الملك،حيث دأبت قاعة الجلسات عندما مناقشة ملفات المعتقلين أن تكون غاصة برجال الشرطة الذين يشددون حراستهم على كل معتقل دخل قفص الاتهام.
ينادي القاضي على متهمين اثنين.
القاضي: أنت متابع من طرف السيد وكيل الملك بالضرب والجرح والسكر العلني وإتلاف ممتلكات...
القاضي : مالك تخصمتي معا الناس في السوق ديال سيدي عبدالكريم.
المتهم : لا أسعادة الرئيس،راه هادوك الناس كيبيعو البال تما حدا الدار ديالنا،أوكيكولو الهدرة الخايبة أو كيجمعو الشمكارة تما.
القاضي :غير كول ليا واش سبيتيهوم وأعيرتيهم أوللا.
المتهم : أيه نعام أسيدي سبيتهم ولكن مكونتش عاقل .
القاضي: كنتي سكران .
المتهم : أيه نعام أسيدي كنت سكران.
القاضي : كوليا واش عمرك تشيديتي في الحبس
المتهم :أيه نعام أسيدي
القاضي : إمتا خرجتي من لحبس
المتهم : غير هاد ليامات.
القاضي يشرع في سرد مختلف السوابق العدلية التي تهم المتهم.
القاضي : عرفتي شحال عندك ديال السوابق راه كثيرة،هانت شوف،عرفتي إمتا تشيديتي؟ الشدة لولا كانت عندك في عام 1989، اوقول ليا شحال عندك من عام؟
المتهم : ولد 79
القاضي: إذن الشدة لولا تشيديتي أونتا عندك يلاه 10 سنين ،أوكانت عندك تهمة السرقة.
القاضي يسرد جميع السوابق العدلية للمتهم والتي فاقت العشرة سوابق كلها تختلف بين السرقة والمخدرات والضرب والجرح،حيث سبق للمتهم أن حاول الفرار من إحدى الإصلاحيات .
القاضي : أوهاديك لبنت لي صرفقتي ، واش صرفقتيها نيت
المتهم : أيه أسعادة الرئيس
القاضي: أوعلاش صرفقتيها.
المتهم : بقات حاضياني أو قالت راه داير العكاز بحال خوه.
القاضي : على غير لي داز أوشافيك الضربو.
كان بجوار المتهم متهم آخر في حالة اعتقال ، ويتعلق الأمر بخال المتهم الأول.
القاضي : واش سكرتي نتاوياه
المتهم الثاني : أيه نعام أسيدي.
القاضي : عندك بيه شي علاقة المتهم الثاني : أنا خالو.
القاضي: نتا خالو أوداير معاه هاد الحالة،واش فايت منك مدوز الحبس
المتهم : أيه أسيدي
القاضي يشرع مرة أخرى في سرد التهم التي سبق للمتهم أن قضى بسببها عقوبات حبسية والتي تتوزع هي الأخرى بين السرقة والمخدرات والاغتصاب ، كان أولها سنة 1982القاضي : دابا نتا زعما راك خالو،أو هانتا كتشوف التهم لي دوزتي عليها الحبس كتشبه لتهم ديالك ولد ختك،أوزعما نتا خالو أو نتا هو لي قريب ليه بزاف، حيتاش كنا كنعقلوا في الصغر في خوالنا هما لي كيكونوا قراب لينا.
ينادي القاضي على متهم آخر .
القاضي : أنت متابع من طرف السيد وكيل الملك بالنصب.
المتهم : والله لعظيم أسيدي يلا غير تهموني .
القاضي: كيفاش تهمينك ، أوهانت كنشوف ثلاثة الناس ذاكرينك في المحضر ديال البوليس
المتهم : لا أسعادة الرئيس ، راه البوليس سلخوني ، أوعظامي كاملين كيضروني
القاضي : متكولش هاد الهدرة، على مالك معا البوليس ، ياك ما عندك معاهو حتا عداوة،أو راه ماشي هما لي تاهمينك،راه ثلاثة ناس صحابك هما لي ذكرين سميتك في المحضر راه مشي البوليس لي ذكرينها
القاضي : ديتو السيد لسوق باش يشوف التراكس ،أو تراكس ماشي ديالكم،اوتافقتو معاه على 260 ألف درهم .
المتهم : والله العظيم ، يلاغير تاهميني ، واش أنا عندي 2 وليدات أو غادي ندير هاد الشي القاضي ، ياك تلاقيتو مع الشاكي في القهوة أو عطاكم 20 مليون .
المتهم : اولله أسيدي ما في راسي شي حاجة .ينادي القاضي على متهم آخر.
القاضي : علاش كضرب باك؟
المتهم : لاأسيدي مكنضربوش
القاضي :أسميت باك
المتهم :رضوان
القاضي:واش كونتي سكران
المتهم: ألا أسيدي، كنت شام السيليسيون
القاضي : صافي غير شام السيليسيون أوضرب باك.
ينادي القاضي على متهم آخر
القاضي :علاش كضرب باك
المتهم : لا أسيدي والله ما ضربتو
يقف وقتها والد المتهم الطاعن في السن،متوسلا إلى القاضي بإطلاق سراح ابنه بعدما تقدم بتنازل في الموضوع.
القاضي لوالد المتهم: واش ديرتي ليه التنازل
والد المتهم: أيه نعام أسيدي
القاضي للمتهم: عرفتي كون مدرش ليك باك هاد التنازل غادي تشوف شحال غادي دوز ديال الحبس
المتهم :يطأطئ رأسه،ثم يلتفت إلى والده ويقبل رأسه.
القاضي: يلاه سير رجاع الحبس أوسول لمساجين تما لي متابعين بضرب وليدهم بشحال محكومين، أوغدا غادي تسمع الحكم ديالك.