الكريدي: لهفة ومحنة وإدمان

(عبد الغني.ن) فاعل جمعوي
الكريدي وُجد أصلا لتقديم يد العون لذوي دخل ضعيف.والغاية هي تحسين نشاط انتاجهم أو خدماتهم ليتحقق اندماجهم اقتصاديا.
والكريدي مهم على ودْ تايفُك الحزة والضيق.الكريدي خايب وواعر على من دار زايد ناقص لأن الحجز والمحكمة والسجن في انتظاره.الناس ترجّات من الكريدي يخفّف عليها المعيشة، ماشي يلوي يديهم وعنقهم بفوائد الربا المبالغ فيها.
(ماجدة.ح) بائعة
باش ناخد كريد من مؤسسة قرضية للسلفات الصغرى،طلبوا مني نحضر 3 ديال الأشخاص يضمنوني بأي شئ قانوني.وفوق هدا صيفتو لي اللي يشوف فين ساكنة ويتحققوا من الوضعية الاجتماعية ديالي.
والكريدي اللي سلموه لي بشروط،وبأجل محدد.
وانت كا تعرف التجارة ف القجاقل ديال الشمال،قليل اللي بغاها،وتقيلة ف البيع.واش ندير؟
المشكل هو أني أصبحت مدمنة على الكريدي،وأوقفت حياتي وحياة أسرتي عليه.لايمكنني الاستغناء على الكريدي لأنه لابديل في الوقت الراهن ولا في أي أفق!
(يونس.ب)طالب
الكريدي مهم.باش نكمل قرايتي في اوروبا،وانا ما فحالي شي،دفع الوالد التيتر ديال الدار لمؤسسة قرضية،وخدا كريدي من أجلي،عالله تكون مني الكاينة ونفع راسي ونفع عائلتي.
(إيدّر.ف) صاحب دكان
الله يجعل البركة ف الكريدي.به باش الحانوت خدامة.حنا ف خدمة الموظفين 24 ساعة على 24 ساعة.
(هدى.ز).موظفة
خويا الفلوس ما بقات فيهم بركة.لو ما كان الكريدي ديال مول الحانوت،كانت تكون مصيبة.
جوج فرانك بغينا منها الشوا والكديد.
خص الدولة تدعم المؤسسة القرضية بشكل يجعلها تفرض فوائد معقولة ومستساغة وبآجال مريحة رحمة بمواطنيها.
(نجاة.ح)
الدولة خصها تدخَّل وتشوف من حال الناس اللي على قد الحال.الزمان صعيب ولاحنين ولارحيم.الخدمة قليلة والبطالة تتزاد.واش ياكلو الناس إلى ما كلاو احمد ومحمد مول الحانوت.الدولة خصها تدخَّل وتساعد الشباب اللي بغاو يتزوجو، علي امتلاك بيت زوجية وما تخليهم متعلقين ورا شعار بعض المؤسسات القرضية الشرا بثمن الكرا وبأكبر نسبة ممكنة من الفوائد.هدا غا دي يولي الشرا بغسيل الفندق.
(الفاطمي.ي).سائق
الكريدي مصيبة.عندي تسعة نفوس.الكرا قهرني.آش نعمل.ما نكدب عليك،منين تيجمع علي مول الحانوت تريمسّة،تنضطر نطلق دار الكرا ونخوي السكتور.
ع.ح