تامر حسني يرد على زوجته بسمة بوسيل: مش عيب الإنسان يغلط

خرج الفنان المصري تامر حسني عبر صفحته الرسمية على الأنستغرام، صباح اليوم الإثنين، لأول مرة بعد الضجة التي اثارتها زوجته المغربية بسمة بوسيل بشان طلاقهما، حيث وجه لها رسالة عتاب.
وعلق تامر كأول رد علني بتدوينة على خاصية الستوري على صفحته بالأنستغرام: "بسمة حببتي للاسف انتي مفكرتيش كويس و سلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي الي عرفتيني عليها وحبيبتني بيها، أزاي وصلوكي للزعل والبعد فترة .. المهم انا مش هزعل منك ولا يرضيني زعلك انتي حبيبتي و ام ولادي .. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير".
وتابع :"ليه لما اي حد بيزعل من حد بيطلع يكتب عليه في السوشيال ميديا طب حتي يكلمه الاول ايه علاقة الناس بعلاقة شخصية بين اتنين ممكن تتحل في التليفون او في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم..
وأضاف :"ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك".
وسبق للفنانة المغربية بسمة بوسيل أن أعلنت انفصالها عن زوجها بعد زواج دام اكثر من 8 سنوات.
وقالت عبر حسابها على "انستغرام" "لكل الناس اللي بتبعتلي صور وفيديوهات لتامر وشايفه انه مش بيعملي احترام سواء في صور او فيديوهات يا ريت تبطلوا تبعتولي أي حاجه علشان مش فارقني اي صور".
وأضافت "كمان احب اعرفكم اننا بقالنا فترة منفصلين وبنحضر اوراق الطلاق لو سمحتم احترموا مشاعر كل حد فينا وبطلوا على الأقل تبعتولي اي حاجه".
والملفت ان نجمة "ستار اكاديمي" قامت بحذف المنشور بعد دقائق من نشره ولكنها قامت بنشره مرة جديدة بعد ساعات، الامر الذي اربك الجمهور وطرحوا الكثير من الأسئلة حول السبب.