نهضة بركان ربحو الفتح وتأهلو لفينال كأس العرش وماتش قاصح عندهم مع الرجاء

تاهل نهضة بركان إلى نهائي كاس العرش، بعدما ربح اليوم الاحد بمدينة فاس، فريق الفتح الرياضي فالدومي فينال بالبيلانتيات، بعدما سالا الوقت الأصلي د الماتش تعادل واحد لواحد.
وقدر نهضة بركان يفتتح التسجيل بكري فمرمى الفتح الرياضي، وماركا له الهدف يوسف الزغودي فالدقيقة 2، وبقى محافظ على التقدم ديالو فالنتيجة حتى لأخر لحظات المباراة حيث نجحو الفتح وماركاو التعادل بهدف ديال مروان الوادني، ومشاو لعبو بعدها الفريقين الشوطين الإضافيين وبقاو تعادل وبعدها لعبو البيلانتيات اللي سالاو بنتيجة 5 مقابل 4 لمصلحة نهضة بركان.
وبهذا الرباح تأهل نهضة بركان إلى فينال كاس العرش، وغيلعب فيه مع الرجاء الرياضي، اللي تأهل بعدما ربح الوداد الرياضي بواحد لزيرو، والرابح بين الفريقين غيتوج بكاس العرش وغيضمن التاهل لكاس الكاف.