الوداد واجدين لماتش لأهلي طرابلس وجبران كيطلب المسامحة من الوداديين

ختم الوداد الرياضي الاستعدادات ديالو لمواجهة أهلي طرابلس الليبي غدا الأحد فالسعودية، برسم الجولة الثانية من كأس العرب، وكتعتبر المباراة مهمة وحاسمة للفريق اللي ما عندوش خيار آخر من غير الرباح باش يحافظ على الحظوظ ديالو قبل الماتش الأخير فدور المجموعات مع الهلال السعودي.
ودار الوداد الرياضي الحصة التدريبية الأخيرة قبل ماتش أهلي طرابلس الليبي هذه العشية من اليوم السبت، وكانت الأجواء زوينة واللاعبين كاملين شاركو فالتداريب اللي خصصهم المدرب عادل رمزي لوضع آخر اللمسات قبل المواجهة، وفتصريح له تحدث يحيى جبران الكابيتان د الوداد الرياضي على الاستعدادات داخل الفريق، وقال: "الاجواء داخل الفريق كتسودها روح المسؤولية والاخوة وكلشي اللاعبين واعيين بشنو كينتظرنا وحنا فبداية الموسم والاستعدادات فصالحنا وكنستافدو".
وبخصوص الطرد ديالو فالماتش اللي فات أمام السد القطري، اللي غيخليه يغيب غدا أمام أهلي طرابلس الليبي، قال جبران: "الماتش الماضي ضد السد كنا مضومينين اللعب قدرنا نخلقو بزاف د الفرص ولكن فغفلة كيجي خطأ اللي خارج عن الإرادة، واخا هكاك اللاعبين كانوا رجال وجاونا فرص بالرغم من النقص العددي كنا نقدرو نماركيو ونربحو الماتش، ونتمنى هذا الشي كامل نخدو من العبرة وينفعنا فالمستقبل، وكنعتذر من الوداديين حيث غنغيب الماتش الجاي بسبب الطرد وكنواعدهم نعوضهم الماتش اللي من موراه.