الكوت ديفوار فرحانين حيث المغرب لاعب عندهم: وجدو التيران وكيتسناو لقجع

كاينة فرحة كبيرة فالكوت ديفوار حيث غيلعبو مع المنتخب المغربي السبت جاي ماتش أميكال فأبيدجان، وحسم الاتحاد الإيفواري لكرة القدم بشكل رسمي فالتيران اللي غيلعب فيه منتخب الكوت ديفوار أمام الأسود.
وأعلن ياسين إدريس ديالو رئيس الاتحاد الإيفواري لكرة القدم، فتدوينة له على فيسبوك أن الماتش غيتلعب فيليكس هوفويت بواني بالعاصمة أبيدجان، بعدما كان الاتحاد الأفريقي باغي يلعب الماتش بين المغرب الكوت ديفوار فتيران الحسن واتارا ولكن تبين أن هذا الأخير مازال ما واجدش.
ياسين أدريس ديالو، استغل الفرصة ونشر تدوينة ثانية بارك من خلالها للمغرب تنظيم كاس أفريقيا 2025، واستضافة مونديال 2030 مع إسبانيا والبرتغال، وهنأ فوزي لقجع رئيس الجامعة الملكية المغربية لكرة القدم على العمل ديالو وقاله نطلاقاو فقرعة كاس أفريقيا 2023 فأبيدجان اللي غتكون الخميس الجاي.