الجزائر ما قدرو ينظمو حتى بطولتهم وكانوا طامعين فاستضافة كوب دافريك.. باغيين يرجعو يلعبو بعد توقف طويل وفارضين الويكلو على كاع الماتشات

قرر الاتحاد الجزائري لكرة القدم ترجع الكورة تدور فالتيرانات الجزائزية بعد أسابيع من التوقف، ولكن ماشي بشكل عادي ومحدود، الشي اللي كيطرح عدد من علامات الاستفهام حول قدرة لالجيري على تنظيم ماتشاتها المحليين بقا غير تترشح لتنظيم كوب دافريك اللي خسرت الاستضافة ديالو سوا ديال 2025 و 2027 وقررت تنسحب بالشوهة.
وعلم الاتحاد الجزائري لكرة القدم فبلاغ له غير دابا، الرابطات و نوادي الجزائرية كرة القدم عن الاستئناف التدريجي لكل النشاطات و المنافسات الكروية، ابتداء من يوم الجمعة 10 نوفمبر 2023، وأكد عليهم بلي الماتشات غيتلعبو ويكلو بدون جمهور، وفق نفس الرزنامة المعتمدة للموسم 2023-2024 ، إلى غاية إشعار آخر.
وكيطرح هذا القرار من الاتحاد الجزائري لكرة القدم، مجموعة من علامات الاستفهام على الأسباب ديالو، واش سياسية وخايفين من شي احتجاجات ضد الكابرانات فالتيرانات من الجماهير، او ان التيرانات ديال الجزائر ما قادراش تحتضن الماتشات أمنيا وتنظيميا.