حيث كبيرة عليه ب25 عام: بريجيت كانت مرعودة وخايفة لا يمشي عليها ماكرون ويبغي اللي قدو

قال موقع "نيويورك تايمز" إن بريجيت ماكرون مرات الرئيس الفرنسي إيمانويل ماكرون، اعترفات أنها فاش تصاحبات مع إيمانويل وهي فعمرها 40 وهو 15 عام كانت خايفة ليمشي ويخليها ويبغي اللي قدو.
وصرحات بريجيت ماكرون فمقابلة صحفية مع "باريس ماتش"، "كنت تالفة فالأول ديال العلاقة "... "وإيمانويل كان خصو يمشي لباريس وقلت مع راسي يقدر يبغي شي حد فعمرو".
وقالت "كون ماخديتش هاد القرار، كون مشات حياتي... حيث حسيت أنه خصني نعيش "هاد الحب" باش نكون فرحانة".
وكشفات المقابلة الأخيرة، اللي ترجمتها ونشرتها صحيفة ديلي تلغراف البريطانية، أن ماكرون حتى هو عانى بسبب فارق السن وتسبب ليه هادشي ففضيحة فاش بان أن بيناتهم علاقة. ووالديه قررو يسيفطوه لمدرسة داخلية فباريس يكمل قرايتو ويهربوه ووخا هكاك متفارقش معاها.
وأوضح الموقع الأمريكي أن بريجيت كانت مزوجة ولكن مفارقة هي وراجلها وماطلقاتو حتى قربات تزوج بإمانويل ودازت عليها باش تزوج بيه، حيث تسنات 10 سنين باش ولادها المراهقين يتقبلو هاد الزواج وميتأزموش.
وأضاف أن إيمانويل وبريجيت تلاقاو فاش كانت بريجيت أستاذة الدراما فمدرسة بروفيدنس الكاثوليكية فأميان وكانت بنتها صديقة إيمانويل.
https://nypost.com/2023/11/19/news/brigitte-macron-opens-up-about-dating-her-15-year-old-student-and-future-french-president/?fbclid=IwAR18hDXIoxfgx-1unrfPKMIgAxKKdXbslVzrask05Q0R0Lbp9WCHxurE8YY