بدات لونكيط فقضية 4 طن ديال الحشيش لي تشدات فسيدي رحال.. مصدر "گود": هاد ليزونكيط غادي يطيحو ريزو السواحل

كشفات مصادر "كود " المركز القضائي التابع لسرية درك برشيد وبتعاون مع الفرقة الوطنية للأبحاث القضائية التابعة لجهاز الجندارم بدأ الابحاث ديالو في قضية حجز 4 طن ديال الحشيش لي حصلت جاي من دار بوعزة او نشدان في سيدي رحال الشاطئ من طرف الفرقة الوطنية ديال الديوانية والجدرامية .
المصدر ذاته قال ،ان هذه الابحاث لي تباشرها الضابطة القضائية بتعليمات من الوكيل العام ديال سطات ، غادي تكشف واحد الريزو كبير خدام في تهريب الحشيش بسواحل كازا والجديدة ،وذلك بعد اجراء مجموعة من الابحاث العلمية والتقنية في هذا الملف لي تحديد المسؤوليات ،ولي ازالت اللثام عن شبكة تهريب الحشيش تحت غطاء "سرقة الرمال " .
المصدر نفسه قال ،ان هذ الشاحنة سبق ليها كانت محجوزة في قضية جنحية ولي شرف على الملف ديالها درك دار بوعزة او تم استخراجها من المحجز ونهار الاتنين تم ضبطها هاز الحشيش ،هذا النقطة راها خدام عليها الفرقة الوطنية باش تعرف واش كانت خدامة الشاحنة فالحشيش او سرقة الرمال .