غادي يبدا بمبلغ خيالي.. دار مزادات غادي تعرض ثوب فيه سينياتور ديال ميسي على أول كونطرا

علنات واحد دار المزادات في بريطانيا أنها غادي تعرض ف مارس للي جاي الثوب لي سنا فيه ليونيل ميسي على أول كونطرا ليه مع برشلونة.
هاد المنديل وقع فيه ميسي مع البلاوغرانا مللي كان عندو 13 عام، وهو باش جا للفرقة ونوض روينة فيها وف العالم كامل.
La serviette emblématique qui a marqué le moment clé de l'histoire du football de Lionel Messi avec le FC Barcelone sera mise aux enchères par la société britannique Bonhams. pic.twitter.com/wDv2mF8SsZ
— ???????????????????????????? (@dyesbro) January 31, 2024
على حساب ما قالت هاد دار المزادات فهاد الثوب غاد يبدا الثمن ديالو ابتداءا من 380 مليون مغربية، يعني أن القيمة ديالو تقدر توصل حتا لمليار إلى تزايدو عليه صحاب التحف النادرة.
للتذكير، فليونيل ميسي دابا كيلعب ففرقة إنتر ميامي الأمريكية بعدما دا كلشي من ألقاب فعالم الكرة سوا مع فرقتو السابقة برشلونة ولا حتى مع المنتخب ديال بلادو الأرجنتين.