الفلسفة قبل السياسة. علاش الياس العماري غايب على مؤتمر البام؟ مصدر ل"كود": راه فمؤتمر للفلسفة فابو ظبي

اليوم يفتاتح مؤتمر حزب الاصالة والمعاصرة ببوزنيقة. مؤتمر فظروف خاصة. كيهدرو على قيادة ثلاثية. باغيين يجريو علي الامين العام الحالي عبد اللطيف وهبي.
Loading Ad
00:00
/
00:00
لكن اللي غايب اليوم او من الوجوه الغايبة اليوم هو احد مؤسسي هاد الحزب واللي تحكم فيه تنظيميا وحتى سياسيا من نهار تخلق اللي هو الياس العماري. كان امين عام ليه ففترة من فترات.
وفق ما علمته "كود" فالياس العماري كاين دابا فابو ظبي للمشاركة فمؤتمر للفلسفة. حسب مصدر "كود" فهاد اللقاء الفلسفي كان تعرض عليه ليه هادي مدة وتزامن مع انعقاد مؤتمر التراكتور وباللي تمنى يحضر لمؤتمر هاد الحزب هو كان فالمغرب.
حتى باش كان طلع وهبي فمؤتمر البام اللي دار فالجديدة كان الياس العماري عندو شي مهمة خارج المغرب