بعد مكان غاد يتصادر بسباب الغرامات اللي تجمعات عليه.. مجلس جماعة طنجة غاد يتولى مسؤولية قصر "ألابا إكيبل" ف إقليم الباسك

قالت جريدة لاراثون الإسبانية، أن قصر "ألابا إكيبل" اللي تبنى ف عام 1488 ف إقليم الباسك، غادي ترجع مسؤولية الإشراف عليه إلى مجلس مدينة طنجة اللي هو المالك الأصلي ديالو، وذلك بعد الجولة التفقدية اللي دار عمدة طنجة للقصر على هامش زيارته لمدينة فيتوريا من أجل التوقيع على اتفاقية تعاون بين المدينتين.
وقالت الصحيفة الإيبيرية، أن عمدة طنجة ناقش ف الزيارة ديالو إيجاد صيغ عملية لحل مسألة القصر اللي كان غادي يتصادر بعد ما تراكمات الغرامات عليه إلى 310 ألف و581 يورو، بالإضافة إلى الخطر ديال الانهيارات حسب تقرير للبلدية الإسبانية صادر ف فبراير 2023.
هاذ القصر التاريخي في ملكية بلدية طنجة من خمسينيات القرن الفايت، بعدما خسرو مالكه الأصلي ف القمار، ومن بعد ولى من أملاك الدوق دي طوفار، اللي تبرع به ضمن وصيته لبلدية طنجة وتم تحويل القصر إلى بارطمات سياحية يديرها عدد من السماسرية والوكالات العقارية بمنطقة فيتوريا.