كاليك اللي خدام عن الماجيدي راه 360 ماشي ديال مدير الكتابة الخاصة للملك: وشوفو اش كتبو وحكمو انتوما وباراكا ما تستحمرو فعباد الله

دابا نهار كلشي عاق بخصوص شكون المالك الحقيقي للموقع الاخباري 360 طلب اللي فالواجهة عزيز داكي من "تيل كيل" يديرو معاه حوار باش يجاوب على سؤال واحد ولا باش يكول هدرة وحدة كالو ليه نوض خرج كولها وهي "لا علاقة للماجيدي ب360″٬ يمكن بعد هاداك التصريح اللي عندو شك تأكد.
اليوم وقع رسميا الاستغناء عن الماجيدي من الاشراف على مهرجان "موازين". اجيو شوفو اللي ما عندو علاقة بالماجيدي اش كتب.
الموقع المذكور قال ان "الكاتب الخاص للملك منير الماجيدي ترك مقعده: رئيس مؤسسة مغرب الثقافات" المنظمة ل"موازين" للرئيس المدير العام لاتصالات المغرب عبد السلام احيزون" واضافت انه اكمل مهمته" وباش ينفخو فهاد الماجيدي ومرحلته على رأس المهرجان اضافت الجريدة الالكترونية "خلال رئاسة الماجيدي ل"مغرب الثقافات" اصبح المهرجان في مصاف المهرجانات العالمية".
ومشاو بعيد فلغة الغزل والمدح وووو وكتبوا "بالفعل استطاع الماجيدي ان يجعل من المهرجان الرباطي واحد من احد الاحداث الموسيقية فالعالم" هاكاوا على العالمية. غير تسناو كالو اكثر من هاد الشي "موازين اليوم اكثر مهرجان في افريقيا. متاح لجميع المغاربة وقادر بان يشجع الفنانين المغاربة ويخلق في الوقت ذاته ويطور مهن جديدة في الصناعة المحلية للفرجة".
وباش يفقصو احيزون كالو ليه بانه ورث جمعية قوية وصحيحة وعندها مصداقية عند مهنيي الموسيقي".
وكالو باللي احيزون غادي يخدم بنفس الفرقة اللي كاينة وهذا اكبر خطأ غادي يرتاكبو احيزون. ولنا عودة للموضوع