كالتها الصورة:" واش هادوك الناس اللي خرجو فمسيرة العار ولا اللي هندسوها غادي يجيهم النعاس الليلة باش يشوفو الملك كيعين بنكيران وشوفو شحال كان فرحان

القصر ما كيدير حتى حاجة فابور. الصورة ديال الملك ديما كيتم اختيارها بعناية باش تعطي رسالة. اليوم كان تاريخي. محمد السادس يكلف عبد الاله بنكيران بتشكيل الحكومة. المكان الدار البيضاء والزمان يومين فقط بعد فوز حزب العدالة والتنمية بالانتخابات التشريعية الجمعة الماضية. كلشي عندو دلالة ولكن الاكثر وضوحا هي صورة محمد السادس وهو يكلف بنكيران في جو "حميمي". الملك فرحان وكيضحك.
دابا هادوك الاغبياء اللي هندسو مسيرة العار ضد بنكيران قبل انطلاق الحملة الانتخابية وهادوك اللي خرجو فيها باش غادين يحسو وهما كيشوفو اللي كانو كيكولو عليه "بنكيران ارحل" وكيسبوه ويهددوه ويقولو عاش الملك فنفس الوقت غادين يحسو باش يشوفو الملك كيعين بنكيران وفرحان.
اكيد ان كل من ساهم فالمسيرة من بعيد او قريب ما غاديش ينعس الليلة باش يشوف هاديك الصورة