شاعلة فالبي جي دي: حركة "الصكعين" تجتاح الفايسبوك واتهامات ليتيم وها اش سماوه

بنكيران سمى الناس د الحزب ديالو والمتعاطفين فالفايسبوك ب"الصكعين" فافتتاح المجلس الوطني اللي انعقد يوم السبت، وما برداتش ليهوم لأن خبارهوم كايوصلها الوسيط لبنكيران ماشي هي هاديك.
قلبوا ولقاو أن محمد يتيم هو ساعي البريد وبالدليل اللي قالتها الصورة، من تما سماوه "المراقب العام" ، عبد الحلق العربي المدير الوطني د الحزب دخل يدافع عليه فمجموعة من تدوينات نشطاء البيجيدي فالفايسبوك لكن زاد عماها وطالبوهوم الناس يمشيو يخدمو ومايقابلوش أفكار وتدوينات الشباب حيث كل واحد مسؤول على راسو على اللي كايكتب.
الصحافي عبد الصمد بنعباد خرج فااص فيتيم وكتب ليه تدوينة وسماه فبها قاليه "الأستاذ محمد يتيم لما كتبتم توجيهكم بعدم التعليق على "التحالفات"، أشركتم حوالي 90 شخصا في تلك التدوينة، كواحد من الذين اشركتهم في التدوينة الشهيرة، أعلن انني لم التزم بالتوجيه، وأدعوكم إلى الانتباه إلى الذين التزموا بالتوجيه، وأتمنى أن تدافعوا عنهم مستقبلا خاصة حينما يتعلق الأمر بالبحث عن مناضلين في الوزارات والدواويين.
وزاد قاليه "ليس الأمر "مقايضة"، ولكن فعلا اهتموا بمن يسمعون الكلام ويحترمون القيادة قبل ان تنفتحوا على "البراني".
يتيم دخل يعلق ويجاوب هو وعبد الحق العرابي لكن عاد شعلات وولى كلشي يكتب ويبارطاجي الصورة المعلومة د يتيم فاش سماوه "المراقب العام"، وصاحبوا العربي ماعرفش كي يدافع عليه غير يعتبروا أنه مظلوم والناس غالطين فحقوا وقاليه "كم أنت كبيير يا يتيم…"