تعيينات الولاة والعمال غادية تبين واش الدولة باغية تصعد ولا ماشية فالتهدئة. الاسماء اللي كتروج دابا فشي شكل وتعيين السكروحي غادي يكون اخطر من تعيين لفتيت فالداخلية

يتوقع ان يتم الاعلان عن لائحة الولاة والعمال اللي غادي يتعينو فالمجلس الوزاري اللي كاين اليوم برئاسة محمد السادس بالدار البيضاء. كلشي باغي يعرف شكون هو والي جهة طنجة تطوان الحسيمة. قبل واش غادي يبقى اليعقوبي ولا يمشي.
تعيينات اليوم غادية تبين لينا نوايا الدولة. واش باغية تصعد ولا كتقلب على تهدئة. كاين اسماء اللي لا تعينو مشكلة كبيرة. دابا كيروج اسم علال السكروحي اللي كان فالجماعات المحلية فوزارة الداخلية وقبلها فكازا وقبلها فالنواصر. تعيينو غادي يدير مشاكل كثيرة خصوصا ايلي لاحوه فشي جهة فيها المشاكل والصراعات السياسية.
هاد الشي دابا غير اشاعات. مازال ما كاين والو. نتمناو تعيينات ولاة اللي يساهمو فالتهدئة ماشي يزيدو يشعلوها. الدولة ذكية بما فيه الكفاية وكنظن موحالش باغية التصعيد