الكرطومي متابع ب 10 ديال التهم تلاقا مع الحواص فالحيس وها اش وقع ليه

الكرطومي حيح على الموظفين ديال السجن، وقال ليهم واش معرفتونيش شكون أنا، راني مناضل كندافع على بحالكم، قبل أن يدخل في حالة هستيرية ويشرع في سب كل من حوله.
ذكرت مصادر ل"كود" أن الكرطومي التقى الحواص زين العابدين رئيس جماعة حد السوالم وحاول السلام عليه إلا أن رئيس بلدية حد السوالم المعتقل صده وقال له "الله ياخذ فيك الحق". من جهة أخرى المحكمة حددات نهار الأربعاء مور العيد باش تبدا الجلسات ديال المحاكمة ديالو بتهم كثيرة هي النصب والاحتيال والتصرف في مال مشترك بسوء النية وإهانة هيأة منظمة وإهانة رجال القضاء وإهانة موظفين عموميين لمناسبة قيامهم بمهامهم والتأثير على مقررات رجال القضاء قبل صدور حكم غير قابل للطعن والإهانة عن طريق التبليغ عن جرائم يعلم بعدم حدوثها والتهديد بارتكاب جناية وإتلاف محجوز قبل القيام بالعمليات الأولية للبحث القضائي وبقصد عرقلة سير العدالة.
وعلمت كود أن القضية مازال فيها تطورات حيث الابحاث حددات مجموعة ديال المتهمين اللي تعتابرو ممولين ديال الكرطومي هما اللي تيعطيوه الفلوس ويحرشوه على المسؤولين، باش يشهر بيهم. فبالإضافة إلى مستثمر وأبوه لهم صراعات مع زين العابدين حواص، دارت شي هضرة على شي مستشار في وزارة، مازال كيقلبو على العلاقة ديالو معا كرطومي.