فضايح حكومة ابن عرفة غا تسالي وحدة تبدا لخرا. هاد المرة بوستة عطات صفقة "غبية خطيرة" لمكتب استشارات خدمات معاه قبل وجرا عليه وزير الصناعة والتجارة على قوالبو

فضيحة اخرى فحكومة ابن عرفة. هذا ما كشفته "لو1. ما" يتعلق الامر هذه المرة بكاتبة الدولة لدى وزير الخارجية والتعاون.
الفضيحة وفق الموقع تتعلق بصفقة اعداد تقرير حول مشاريع ملكية في القارة الافريقية. كتابة تقرير عن هذه المشاريع وفين وصلات وكيف غادية اسند٬ كما نقل المصدر نفسه الى "فاليانس كونسيلتين".
ثمن صفقة كتابة تقرير كلشي موجود يصل الى 3 مليون درهم.
هنا كاين جوجت المشاكل. المشكلة الاولى ان منية بوستة باش كانت كاتبة عامة لوزارة الصناعة والتجارة ايام الوزير احمد رضى الشامي خدمات بزاف بزاف مع هاد الشركة وحجم الصفقات حسب ما نشر يصل الى 120 مليون درهم =طيلة ايام استوزار الوزير الاتحادي الاسبق اللي دابا سفير للمغرب لدى الاتحاد الاوربي.
هاد المكتب دار مشكلة كبيرة باش خدا مولاي حفيظ العلمي الوزارة خلفا لعبد القادر عمارة. بوستة كانت مشات ايام عمارة ولكن بقى هاد فاليانس" خدام مع الوزارة٬ غير باش جا العلمي ما عجباتوش خدمتهم. ناض مول "فاليانس" عطى للباطرونا ولمريم بنصالح دراسة كان دارها للوزارة حول التصنيع في المغرب. بنصالح اللي مضاربة مع مولاي حفيظ العلمي ناضت خرجاتها فنفس الاسبوع اللي كان غادي يقدم فيه الوزير مشروعه امام الملك في الدار البيضاء.
المشكلة الثانية لهاد الصفقة هو انه بالاضافة ان وزارة الخارجية عندها الاطر الكافية لمشاريع مثل هذه. اولا عندهم مدراء مركزيين وعندهم سفراء فالدول اللي وقف فيها الملك المشاريع. يعني كاين سهولة كبيرة فجمع المعلومة٬ وهي ان هاد "فاليانس" وفق الجريدة نفسها٬ غادية تطالع على اسرار كثيرة في غاية الحساسية. اي غادية تطالع على معطيات وغادية توصل لناس اللي غاديين يوليو كليان ديالهم.