مصدر حزبي ل"كود": ما تصدعوش ريوسكم بتحليل اسباب هجوم بنكيران على اخنوش اعتابرو خطابو حالة نفسية وصافي واش اخنوش البارح كان احسن وزير واليوم ولى خايب

اكد مصدر حزبي ل"كود" ان خطاب الامين العام السابق للحزب ورئيس الحكومة السابق عبد الاله بنكيران البارح السبت فالرباط واللي هاجم فيه حلفاء الحكومة الحالية: عزيز اخنوش رئيس التجمع الوطني للاحرار وادريس لشكر الكاتب الاول لحزب الاتحاد الاشتراكي٬ ليس الا حالة نفسية.
مصدر "كود" قال ان بنكيران شحال ما خطب وباش تعطاتو الفرصة عبر على هاداك الشي. المصدر برر تحليله هذا بالعلاقة القوية جدا اللي كانت كتجمع بنكيران واخنوش في السابق =ايام رئاسته للحكومة= وانه سبق ان وصفه بانه من احسن وزرائه وانه رجل معقول وخدام مزيان. المصدر اضاف ل"كود" "كيفاش واحد كان احسن وزير يولي خايب اليوم" ثم اضاف "وعلاش اخنوش يالله عندو لفلوس راه وحزبو عندهم المال. راه من قبل ما يتولد وعائلتو معروفة فالتجارة والمال وثروتو يالله بانت للسي بنكيران راه هاد الشي ما عندو معنى". مصدر "كود" اضاف ان الاحرار من نهار دار هو حزب ناس عندهم لفلوس وان بنكيران هو قلب عليهم وتحالف معاهم باش خوى بيه شباط =الاستقلال وبقاو فهاد الحكومة ثم اضاف "علاه غير هاد الحزب اللي عندهم ناس عندهم. راه الاستقلال فيه ناس عندهم الثروة واش هي المشكلة تكون عند ناس الثروة كيف كيقول بنكيران. راه المشكلة ماشي هي هادي"