خاص. فجلة افريقية هاد المرة دارها المغرب للبوليساريو. كيفاش عزلها فاتفاقية منطقة التجارة الحرة الافريقية: تفاصيل حصرية

اتفاقية منطقة التجارة الحرة الافريقية اللي توقعات فالعاصمة الرواندية كيغالي من قبل 54 دولة في اشغال القمة الاستثنائية الافريقية لعب فيها المغرب مزيان. هاد منطقة التجارة الحرة ما غادياش تجي غير هكاك. هاد الاتفاقية غادية تتم عبر التجمعات الاقليمية. هاد الشي جا فالديباجة ديال الاتفاقية.
ايلى جينا نشوفو وفق مصدر “كود”٬ اش من تجمع كتنتمي ليه الدول 54 نلقاو بللي كاين 7 تجمعات ممكنة. كل الدول كتنتمي لشي تجمع اقليمي باستثناء عضو واحد فالاتحاد الافريقي وهو البوليساريو. ما هي فدول الساحل ما هي فتجمع دول غرب افريقيا ماهي عضو فاتحاد المغرب العربي. اي انها خارج هاد التجمع. اولا بحكم عدم انتماءها لشي تجمع وثانيا حقاش ما شي دولة فالحقيقة وما عندها باش تعاون حتى فشي بلاصة.