ها القصة الكاملة لاقتحام بوليس الطاليان لقنصلية طورينو: كيفاش تحيدات ازمة ديبلوماسية باش تنقد حراگ من الحبس ومن الترحيل

توصلت “كود” بمعطيات بخصوص اقتحام الشرطة الايطالية لمقر القنصلية المغربية بطورينو. وحسب مصدر ل”كود” انه وخلافا لما تداولته وسائل الاعلام الايطالية عن هاد الاقتحام لبهو القنصلية واللي قالو باللي تم دون مرعاة الاعراف الديبلوماسية فان الحقيقة الكاملة خلافا لذلك حيث قامة الشرطة الايطالية تعقب مواطن مغربي بعد ان حرگ الضو لحمر. تبعو البوليس والمهاجر هرب ودخل للقنصلية.
رواية البوليس قالت باللي اثناء ملاحقته دخل –كراج- وعليه هز رجل امن سلاحو باش يوقفو. البوليس ما عرفتش راسو فين داخل حقاش مقر القنصلية المغربية ما فيهش شي علامة متميزة كتقول باللي قنصلية. باش شدوه قال ليهم جزائري باش ما يرحلوهش.
البوليس باش عرف اعتذارا شفويا لقنصل المملكة المغربية محمد خليل الذي طلب يطلقو المهاجر المغربي واخا حارگ وكيسوق طونوبيلة مراتو بلا بيرمي وحرگ الضو لحمر. هاد الشي كان كافي يدخلو للحبس ومن بعد يرحلوه لبلادو.
هاد الشي وفق مصدر “كود” خلى القضية تهدا والمغرب وايطاليا يتفادى لازمة ديبلوماسية.
بخصوص ترويع الناس فالقنصلية قال مصدر “كود” باللي هاد الشي ماشي صحيح حقاش كانت شبه فارغة حيث لم يتعدى عدد المهاجرين الذين يريدون قضاء اغراضهم العشرات واغلبهم لم يشاهد منظر اشهار الشرطي الايطالي سلاحه الوظيفي.