لعب الدراري آش كيدير: ياك ديما كنگولوها ليكم: گاليك البحري لي كيسير صفحة محمد السادس مع المقاطعة

الصفحة الفايسبوكية لي بإسم الملك محمد السادس ولي كيسيرها سفيان البحري ، ولي معروف بأنه كيدبر على صور حصرية للملك مع الناس ، ولي أغلب الصور ديال الملك لي كتنزل للأنترنيت كتكون عبر هاد الصفحة ، ولي كيعتابروها بزاف أنها الصفحة لي من خلالها كيتواصل القصر مع مغاربة الويب .
هاد الصفحة نزلات صورة لسفيان البحري وكاتب أنه مع المقاطعة ديال المنتوجات المغربية لي دايرة هاد ليام وبلي أنه مع الشعب ، وأن المقاطعين ماشي خونة وماشي مداويخ .
هاد السيد لي مسير هاد الصفحة لي متابعيها بالملايين ومتابعينها الناس حيث كيبغيو الملك وباغين يتبعو أخبارو ويشوفو تصاورو ، ببحال هاد الخرجة راه غادا تتخلط الأمور على الناس ، دابا معرفناها واش صفحة سفيان البحري كيعبر فيها على راسو ورأيو ولا صفحة مقربة من القصر ولي كتجيب صور حصرية ولي من خلالها نقدرو نعرفو رأي القصر، هاد سفيان خلط الأمور هاد المرة.
هادً اللعب واستغلال اسم الملك ديما كنبهو ليه وكيعطي بحال هادً الشي