بالفيديو: هاد الصباح بدا ترياب مشروع ا”مارينا” الرباط اللي وقفو الملك . ها الشروط اللي تحطات ليه باش يريب ومحمد السادس ما معولش غير على رجالات الدولة باش يضرب المحتكرين والمستغلين والبارح خرج البارح 2 المرات

فيديو الهدم هاد الصباح
اليوم الثلاثاء 15 ماي 2018 بدات عملية ترياب هاديك البناية اللي كان الملك محمد السادس وقف عملية بناءها بعد جولة في الرباط قبل اسابيع. البناية لرجل اعمال اسمه زارو رحال كان فيها كلينيك للراحة والاهتمام بالجسد واماكن للسياحة ومول. السيد جاب استثمارات امريكية وبغى يدير شي حاجة كبيرة. المشكلة وفق مصدر “كود” انو ماشي غير كيمس جمالية المارينا وكيضدركها بل تجاوز الطابقين المسموح بهما والتصاميم اللي تقدمات للملك ما مطابقاش لهاداك الشي اللي كان كيتبنى ما كانش فلاميناجمون اللي تقدمات لرئيس الدولة. كما ان هناك حديث عن تشققات فالقنطرة. واش عندها علاقة بالبناء هاذا ولا اللا. هاد الشي تحددو الدراسات الهندسية.
المشكلة ما كانتش غير وقف البناء كانت مشكلة هدم هاد البناء. و فق مصدر “كود” فان زارو كان عليه يتقدم بطلب للهدم. هاد الطلب تعطات وفق شروط صارمة. معايير الهدم عالية المستوى وباشراف فريق كبير من المهندسين. هاد الشي اللي بدا اليوم. ج فريق كيشرف على هاد الشي وطبعا الدولة عندها مهندسون كيراقبو هاد الهدم بالاضافة الى قوات عمومية فيها العشرات باش تحمي المواطنين الى وقعات شي حاجة.
وفق مصدر “كود” فالملك غير البارح بعد النشاط الرسمي خرج دار جوجت دويرات باش يشوف بعينيه يتلاقى مع مواطنيه. ما محتاجش لا الفايسبوك ولا غيرو باش يعرف اش واقع. كيحارب اشكال الاحتكار والهيمنة والاستغلال بحال هاد البناية ديال المارينا