سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
قضية بوعشرين دليل على أن الطبوهات تبدلو عند المغاربة من يامات الحاج تابت. اش وقع كاع واش كاين اغتصاب واش كاين شي اسلوب مذل؟ اللا طلعات القضية فيها لحس المؤخرة و أصابع الأرجل
تنبيه: أنا ما عندي حتى علاقة بتوفيق بوعشرين و ما عمرني تلاقيت بيه و ما عارفاش واش ترمتو فيها طون ولا نص كيلو، و بالتالي ما عندي حتى سبب باش ندافع عليه بدون حجج و ماكندافعش عليه. للي كاين هو هاد القضية كتوحي ليا شي أفكار جديرة بالاهتمام. غير باش نتفاهمو. تفرجت فاليوتوب فردود فعل محاميي كلا الطرفين فقضية توفيق بوعشرين بعد ما تفرجو فالفيديوات الإباحية للي لقاتهم الشرطة القضائية. دوزت محاميي الدفاع هوما اللولين. شي تيڭول ماشي ترمتو هاديك، شي تيڭول ترمتو و لكن الدريات نعسو معاه بخاطرهم، المهم واش هادشي بصح ولا مصطنع و ملفق ماشي موضوعنا، اللي كيهموني هوما تصريحات الطرف الثاني. المحاميين الواحد ورا لاخر تيوقف قدام الميكروفونات و هو يتصبب عرقا و وجهو مكنزز بحالا حزق حداه شي واحد و تيكرر: “لا داك شي مقزز و مقرف، ما نقدرش نڭول ليكم حشوما ڭاع هاد الشي، أعراض الناس و كذا، لا سمح ليا ما نقدرش نعطيك التفاصيل، أنا مكبل بالسر المهني”. كتبغي تشدهم من كثافهم و تنخضهم و تعمر ليهم وجههم بدفالك من كثرة الغوات: “إنطقو! هو عمل إييييييييه؟”. نتا فهاد اللحظة كتمشي بعيد. آش دار ڭاع هاد خينا؟ واش جاب رباعة ديال الدراري الصغار باش يتفرجو فيه كيدير داك الشي و من بعد يدوز ليهم حتى هوما ينكحهم؟ واش القضية فيها الدمايات؟ واش خرى فالأفواه ديال الضحايا ديالو؟ واش عطاهم البول ديالو يشربوه؟ واش بزز عليهم يمارسو الجنس مع كلب ساعر؟ آويلي نتوما ڭولو آش دار؟! عاد كيجي محامي شاب و تيڭول بكامل الشجاعة: “القضية فيها لحس المؤخرة و أصابع الأرجل”. صافي؟ هاد الشي كان يقدر يصدمنا ف1993 ماشي اليوم. باقا نعقل فاش كنت صغيرة كانت السمية ديال الحاج تابت كتڭال بصوت خافت و تعد من الطابوهات الكبار فمثابة سيدي ربي و الحسن الثاني الله يرحمو: إلى جبدتيهم على لسانك وسط الدار، الواليد ديالك كيجمعها معاك بأحسن تصرفيقة. كان جيل آخر هاداك، تيسمي أي ممارسة خارج إطار الزواج ب”الفساد” و كيدي بناتو عند الطبيب باش يتأكد واش ماخصرهمش شي واحد. أصلا شكون باقي تيڭول “مخصرة”؟ غير الضيناصورات. دابا الوقت تبدلات و الفضل كيرجع لمجانية المواقع الإباحية. واش شعب الحشفة ديالو تبنجات بالتكافت على مؤخرة ليزا آن غادي تقدر تصدمو بالهدرة على لحس الخرزة و مص أصابع الأرجل؟ هاد الشي ولا عادي، بنادم شاف قود من هاد الشي فيوپورن، و كاين للي كيمارس داك الشي للي تعدم على ودو الحاج الثابت فحياتو اليومية. هاد التصريحات تثير الفضول و الضحك و لكن ما كتصدمش.
