اللي تحزم بالراية المغربية ونوض حيحة طلع مول مطعم وها فين كاين وها اسمو. سد تلفونو وكلشي كيقلب عليه ومهدد بالمتابعة او اغلاق المطعم =الفيديو

الراية ديال المغرب تشوهات
Publiée par GOUD sur Mardi 4 septembre 2018
علمت “كود” ان المواطن الفرنسي اللي بان ففيديو محزم بالراية المغربية وكيشطح وهو سكران وكيدير حوايج اخرى يملك مطعما في حي گيليز بمراكش. وفق مصدر “كود” فان هاد رجل الاعمال اسمو ديديي. ب كان داير قصارة فدارو وباينة الكاس لعبات فالراس ودارو الراية المغربية. هاد الشخص وفق مصدر “كود” عندو مطعم بالقرب من مقهى “لابوست” حدا ماكدونالدز.
دابا من خرج الفيديو ف”كود” وانتاشر فمواقع التواصل الاجتماعي كاينة ادانة كبيرة لهاد التصرف. ووفق مصدر “كود” فان السلطات تحقق في مدى صحة الفيديو اللي تصور مؤخرا ويتوقع ان يتم متابعته. عندنا نصوص قانونية تسمح بمتابعته ففي الفصل 267 من القانون الجنائي ينص انه يعاقب “كل من أهان العَلَم المغربي أو رموز المملكة بإحدى الوسائل المنصوص عليها في الفصل 263 (الأقوال، الإشارات، الكتابة، الرسوم) أو أية وسائل أخرى بعقوبة حبس من ستة أشهر إلى ثلاث سنوات، مع غرامة عشرة آلاف إلى مائة ألف درهم، وترتفع العقوبة إلى مدة من سنة إلى خمس سنوات إذا كانت الإهانة خلال اجتماع أو تجمع، مع عقوبات تبعية أخرى”
طبعا هاد الشي ما كانش فشي تجمع. كان فالدار ولكن مع الفيديو الامور طورات. مصدر محلي اكد ل”كود” ان من تبعات هاد الفيديو قد يكون اغلاق المطعم عبر عدم تجديد اقامته او ما شابه ذلك.