“الحلوة الملكية”.. ها شنو قال مسؤول ف البرلمان ل”گود” على الصور اللّي منوضين قربالة

بعد الضجة الواسعة اللّي دارتها صور منشورة بحال العافية على مواقع التواصل الاجتماعي وكيبانو فيها مجموعة من الأشخاص هازين الحلوى الملكية فالباب الوراني ديال مجلس النواب بعد انتهاء افتتاح السنة التشريعية الجديدة، أكد مسؤول مقرب من رئيس مجلس النواب، في اتصال أجرته “كود”، أن داك الصور معندهوم علاقة بحتى شي برلماني.
وأضاف المسؤول الذي تحفظ على ذكر اسمه من خلال تصريحات ل”كود”، قائلاً: “هادوك ماشي برلمانيين اللّي بانو فداك الصور وربما يكونو خدامين وصافي وحتى اللباس ديالهوم راه واضح وباين للعينين”.
و بالتالي استنتج المسؤول المقرب من رئاسة البرلمان ان رواد مواقع التواصل الاجتماعي غير اعتقدوا أن هادوك برلمانيين وناض نقاش كبير بزاف فالعالم الأزرق وجلبات داك الصور تعليقات ساخرة لكن اطلعو ماشي برلمانيين وباينين غير من اللباس ديالهوم.
ومعروف أن اللباس ديال البرلمانيين اللّي جاو للافتتاح ديال السنة التشريعية الجديدة كانو لابسين “اللباس الوطني”، وذلك طبقا لمقتضيات النظامين الداخليين بمجلسي البرلمان، اللي هو جلباب ابيض و طربوش احمر مع سلهام ابيض.